Otsondo. Antsastegi. Lizartzu. Gorospil.

Gaurkoan hiri gurdi-zahar etorri gara Baztango inguru honetara udaberriko egun ezin zoragarriagoa gozatzeko ideiarekin. Eta baita gozatu ere! Autoa Otsondo portutik Gorramendira doan errepidean dagoen zabalgune batean aparkatu dugu. Kontuz non aparkatzen den! Eskuineko bazterrean debekatua dago eta.
Joaneko tartea ia-ia guztia bizkarrez-bizkar egin dugu alfombra berde eta leun baten gainean, zeru urdin, garden eta aratz baten azpian, eta haize fin batek masailak ferekatzen dizkigun bitartean.
Lizartzu tontorrera iristeko 45 min inguru behar izan ditugu.
Aurrerago seinale-geodesiko batekin topo egin dugu eta, bertan, Lizartzu 794 m dago idatzia. 1h 45 min
11.bidegunean txarrantxa pasa dugu. Pasabidea ez da oso txukuna baina aldamenean zulo bat dago, hortaz, gainetik pasa nahi ez duenak azpitik pasa daiteke.
12. bidegunea: Gorospil lepoa. 2h 30 min.
13. bidegunea. Gorospil tontorra. 2 h 55 min.
Nire asmoa Zuharreta leporaino joatea zen baina uste baino gehiago luzatu gara eta, horrenbestez, buelta ematea erabaki dugu.
14. bidegunean mendi bizkarra utzi eta, itzulera suabeago egiteko asmoarekin, ezkerrera jo dugu pistatik. Nik uste dut hanka sartu dugula. Izan ere 15. bidegunean bidea narrastu egin da eta tarte batean sastrakaz beteta izan dugu, ibilera desatsegin bihurtuz. 18. bideguneraino xenda deserosoa izan da.
07. bidegunean, bueltan goazela, aldapa gora daihesteko pistara jaistea erabaki dugu baina berriz ere sorte txarra izan dugu, ezin izan dugulako pistara pasa. Txarrantxa altuegia da. 23. bidegunea.
Beste inzidenterik gabe autora itzuli gara.
Laburtuz: joaneko bidaia ezin hobea izan da. ZO-RA-GA-RRIA.
Itzulera, ez. Tarte batean, ez oso luzea egia esan, sasi artean ibili behar izan dugu, 15.bidegunean.