Parque Natural do Invernadoiro - Ruta da Ortiga
near Pradoalbar, Galicia (España)
Viewed 32 times, downloaded 0 times
Trail photos
Itinerary description
Antes de nada, avisar que a día 08/04/23 toda a cara Norte e Oeste do parque natural está queimada por mor dos malditos lumes forestais que ocorreron no verán/outono do 2022. Pregunteille a un garda forestal cando podería volver a telo parque o seu aspecto habitual e díxome que nuns 3 anos. Isto implica que dende o punto kilómetrico 8,5 até o 14 aproximadamente o percorrido faise cunha desoladora paisaxe calcinada a man esquerda (nin sequera ficou pegada algunha do panel informativo do miradoiro da Ortiga).
Polo demáis, o parque é unha xoia, ainda que quizáis a maior aventura sexa chegar primeiro co coche até o centro de recepción (onde hai que presentar o permiso de acceso) e despois á aula da natureza onde comezan os roteiros (dende o centro de recepción á aula son uns 11,5 kilómetros que hai que facer con moita calma e abondo se non se desexa reventar os amortiguadores do coche).
Estas medidas poden supoñer incomodidade e inconveniencia, mais tamén axudan a que o parque poda preservar a súa esencia nun entorno hermético e que parece un mundo aparte.
A Ruta da Ortiga posúe unha lonxitude de 22 kilómetros en total (cunha pequena variación no punto kilométrico 9,3 para chegar até a caseta que está no Alto da Fraga da Pena (1568 metros de altitude) e que a usuaria @mazaria engadiu no seu percorrido) e a sinalización é kilométrica, daquela hai que ter coidado se pasa moito tempo sen ver un fito, porque poidera ser que se estivera a seguir un camiño erróneo. O tramo máis duro é a subida á caseta mencionada, e o tramo polos cortalumes até o punto kilométrico 17,5 faise algo pesado, coa excepción da marabillosa panorámica que ofrece o Encoro das Portas.
Oxalá que o Parque poda acadar o seu esplendor tan cedo como sexa posible! Unha boa excusa para volver!
Polo demáis, o parque é unha xoia, ainda que quizáis a maior aventura sexa chegar primeiro co coche até o centro de recepción (onde hai que presentar o permiso de acceso) e despois á aula da natureza onde comezan os roteiros (dende o centro de recepción á aula son uns 11,5 kilómetros que hai que facer con moita calma e abondo se non se desexa reventar os amortiguadores do coche).
Estas medidas poden supoñer incomodidade e inconveniencia, mais tamén axudan a que o parque poda preservar a súa esencia nun entorno hermético e que parece un mundo aparte.
A Ruta da Ortiga posúe unha lonxitude de 22 kilómetros en total (cunha pequena variación no punto kilométrico 9,3 para chegar até a caseta que está no Alto da Fraga da Pena (1568 metros de altitude) e que a usuaria @mazaria engadiu no seu percorrido) e a sinalización é kilométrica, daquela hai que ter coidado se pasa moito tempo sen ver un fito, porque poidera ser que se estivera a seguir un camiño erróneo. O tramo máis duro é a subida á caseta mencionada, e o tramo polos cortalumes até o punto kilométrico 17,5 faise algo pesado, coa excepción da marabillosa panorámica que ofrece o Encoro das Portas.
Oxalá que o Parque poda acadar o seu esplendor tan cedo como sexa posible! Unha boa excusa para volver!
You can add a comment or review this trail
Comments