Pedra Vixía e Torres do Allo. Ruta fluvial. Baio- Zas.

Download

Trail photos

Photo ofPedra Vixía e Torres do Allo. Ruta fluvial. Baio- Zas.

Author

carmenvila89

3,296 199 2831

See more trails from this author

Trail stats

Distance: 9.34 mi
Elevation gain: 118 ft
Technical difficulty: Easy
Elevation loss: 118 ft
Max elevation: 667 ft
TrailRank: 54
Min elevation: 548 ft
Trail type: Loop

Moving time: 4 hours 7 minutes
Time: 6 hours 37 minutes
Coordinates: 2616
Uploaded: May 25, 2023
Recorded: May 2023

Be the first to clap

near Baio, Galicia (España)

Viewed 65 times, downloaded 4 times

Trail photos

Itinerary description

Ruta moi fácil que se pode acurtar dando a volta cruzando algunha ponte ou se non imos ás Torres do Allo.
Con inicio e fin onde empeza o Paseo fluvial de Baio, hai que reseñar que de momento a ruta non está sinalizada aínda que atopei moitos postes de madeira que parecen indicar que o van facer. De momento só están os postes, non teñen aínda indicación ningunha.
Pareceume unha ruta preciosa xa que as imaxes que nos deixa a camiñata á beira sempre da auga, son moi fermosas con multitude de muíños e vexetación autoctona (aínda que hai tramos nos que o eucalipto ameaza con invadir), veremos todo tipo de árbores autóctonas, carballeiras...e o río será o noso compañeiro; ás veces manso e calado e outras axitado e ruidoso. Veremos infinidade de pontes case todas de rústicos troncos de madeira e algunha de pedra.
Ademais desas imaxes bucólicas do río, veremos A Pedra Vixía que dá nome ao lugar (unha inmensa mole rochosa que parece "vixiar" o bosque e o río), a unha área recreativa e ao dolmen de Pedra Vixía (que me deu bastante que atopar sen sinalizar e no medio do monte)
Recomendo abandoar o río en Allo para achegarse ata o Pazo de Torres do Allo que está moi cerca e ben merece unha visita aínda que só sexa ao redor (tamén se pode visitar por dentro dentro dun horario) Merece moito a pena a estrada que chega ata el entre unha carballeira, o entorno do pazo con hórreos, fonte, un pombal, as antigas casas dos caseiros...e moi cerca do pazo, a igrexa de S. Pedro do Allo, unha igrexa única, renacentista, con elementos arquitectónicos de gran valor e rodeada de tumbas no chan moi antigas.
Dende a igrexa de S. Pedro, voltamos outra vez ao río sen deixar de visitar de camiño (despois da Igrexa) o cemiterio novo do Allo que me chamou moito a atención polo raro, fermoso e coidado que está. Chegamos ao río e imos agora pola outra marxe do mesmo.
É preciso guiarse por un track para a realización desta ruta e ter en conta que polo menos no día de hoxe ten tramos con herba e felgos moi altos (estamos en primavera) Eu recomendo levar pantalóns largos e botas.

View more external

Waypoints

Paseo fluvial

Este Paseo Fluvial foi inaugurado no 2008.

Carballeira de Baio

Ao remate do paseo atopamos a Carballeira de Astrai, (nome dos antigos propietarios) que se atopa no catálogo galego de árbores senlleiras. A Carballeira de Baio ten unha superficie de 9695 metros cadrados e dende 2017 é propiedade do concello. Ten sobre 300 carballos de máis de 200 anos de antigüidade. Os troncos aparecen retortos, con formacións singulares debido a que medraron así, ao naural, competindo entre eles. A carballeira é un espazo integrado na vida social, cultural e deportiva da localidade xa que ao longo do ano é escenario de citas musicais e deportivas. Entre as máis destacadas, a Festa das Merendas que se celebra o último domingo de xuño dende hai máis de 40 anos.

Á dereita.

Carreiro

Presa de As Quintas.

Á dereita

Poldras

As poldras ou pasadoiros son pedras postas nos ríos para poder cruzalo. Se o río non vai moi cheo, pódese pasar saltando de pedra en pedra. Están situadas nos sitios dos ríos onde hai moi pouca profundidade.

Cruzar camino

Muíño

Carreiro

Ponte que NON cruzamos

Área Recreativa de Pedra Vixía

Muíño Novo de Su A Agra

Restaurado por iniciativa da Asociación de Veciños Tabeirón de Baio. A partires de agora camiñaremos ás beiras do río Lamas, afluente do río Grande.

Ponte

Ponte. Cruzamos

Esquerda

Dolmen de Pedra Vixía

Está datado entre os séculos IV e III a. C. Está moi alterado xa que os ortostastos que o conforman foron desprazados da súa posición orixinal. Conserva tamén dous fragmentos da cuberta. A pesares do seu mal estado de conservación e difícil localización, está incluido no Parque Xeolóxico do Megalitismo.

Muíño

A Pedra Vixía

Esta inmensa mole é Pedra Vixía que é a que dá nome a esta zona. Semella que esta gran rocha estea a vixiar o bosque e o río.

Noria

Vemos a nora que movía un antigo muíño.

Ponte

Baixada a sendeiro

Presa

Saltar rego

Terra

Ponte

Polígono Industrial do Allo

Pasamos ao pé do polígono industrial de Zas que está situado nesta parroquia de S. Pedro do Allo. Rematou de urbanizarse no 2012.

Estrada

Torres do Allo

O Pazo de Torres do Allo está considerado un dos máis antigos de Galicia e sorprende pola decoración gótica da súa fachada. Os Gomes de Rioboo construiron a 1ª torre no S. XVI e logo ampliaron o pazo de forma mimética no S. XVII. A Casa dos Riobóo foi unha das grandes casas da nobreza galega que dende a I. Media tivo unha gran influencia na comarca, unha das poucas familias que conservou o seu patrimonio de xeración en xeración. É un conxunto etnográfico formado por un edificio monumental, hórreos, fontes, xardíns, un pombal, as antigas casas dos caseiros, soutos, carballeiras... nun fermoso entorno natural.

Pombal

Unha distinción da nobleza galega, son os pombais. Todas as casas señorais e pazos tiñan un pombal. Hai un dito en castelán : "Si tiene palomar, capilla y ciprés; pazo es"

Igrexa de S. Pedro de Allo.

É de estilo renacentista e ten detalles arquitectónicos de gran valor. Foi construida a mediados do S. XVI e restaurada en 1989. Destacan as figuras de Adán e Eva custodiando a entrada principal e a imaxe de S. Pedro preside a entrada tamén derriba desa porta. Aos lados deste, unha imaxe da Virxe e outra de S. Gabriel. O seu campanario lateral é unha curiosidade escasisíma na arquitectura relixiosa galega.

Cemiterio do Allo

Este cemiterio ten un estilo moi innovador e emprega na súa construcción materiais naturais como a pedra, a tella e a madeira. O cemiterio está perfectamente integrado no entorno e foi inaugurado no 2005.

Bambú

Esta árbore é unha especie exótica bastante invasora e que medra moi rápido. Existe á beira de varios ríos da nosa Comunidade.

Os Muíños

Un fermoso entorno onde, como o seu nome indica, houbo no pasado uns muíños e o encargado deles vivía tamén aí nun edificio dedicado a vivenda. Actualmente esa casa é unha Casa de Turismo rural chamada "A Casa do Muiñeiro".