Pel conceyu L.Lena: Brañavalera

Tiós - Gaméu - Pandotu - Mayéu de Brañavalera - Picu Manolete - Campera L.lagu - Picu Escuréu o Brañavalera - Campera L.lagu - Peña L.lagu - Campera L.lagu - Cuesta L.lagu - La Cruz - Sobrecueves - Tiós.

La subida ye fácil y realizable pa tol mundu. Por embargu la baxada foi abondo caótica.
En principiu punxera en dificultá teúnica como difícil. De fechu el percorríu real fueron 18,76 kilómetros. Eliminé del track 2,26 kilómetros nos qu'anduvi perdíu pente escayos y cotoyes. Nun aconseyo esta baxada. Los senderos tan tomaos pola maleza y nun ye fácil siguilos. Pa rematar, casi al final, hai 1,4 km de subida que a min fixéronseme bien trabayosos.
El mio propósitu ye volver a facer el paséu pero subiendo y baxando pel mesmu sitiu.
D'esta manera merez la pena la escursión porque les vistes son espectaculares en toes direiciones. Sobre too ye un esceicional miradoriu de Les Ubiñes.

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneralmente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.