Pelos alredores de Peñamayor

La LLama (Nel GR 105) - Camín del Caneyu - Esvíu izquierda per guapu robléu - La Focella - GR 105 - Cordalín paralelu a la fastera este de Peñamayor separtáu per una vallina de les guapes praderíes de Breza, Anés y el Covayu - Picu Diegopando, Rosellón o Campuetos - Picu Carranques, Caspios de Suriella o Pandestébano - Caspios de Breza - Praderíes de Breza - Anés - El Covayu - Xuncler - El Caneyu - La LLama

Ye una guapa anque daqué esixente escursión pelos montes axacentes a Peñamayor. De fechu gran parte del percorríu de regresu, de Breza al Covayu pasando per Anés, faise davezu nos paseos per esta guapa xerrina que los navetos tenemos como nuestra.
Entámase'l camín baxando 3,9 kilómetros. 2,4 son per una preciosa viesca, un robléu, que paga la pena patiar y disfrutar.
Dempués de consultar milenta veces mapes y persones nun acabo d'aclarame cola toponimia de la xerrina que va de La Xamoca al Trigueru. El casu ye que cualquiera de los piquinos son guapos miradorios de media Asturies.

(Anque toes son de la ruta, munches de les semeyes nun se correspuenden colos llugares de los waypoints).

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneramente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.