Peña Troméu (Peña de Carlos 'Cabralitos') y Picu Michu

Tuiza - Braña El Tronco - Braña Rebel.lón - LLagunina de la Canalada - Campera Troméu - Peña Troméu (Peña de Carlos "Cabralitos") - Braña L.Lamaraxil - Valle del Bayu - Xuegu la Bola - Peña Arcecha - Volver, pa dexando'l GR-101 (Camín Real de la Mesa), subir al guapu miradoriu que ye'l picu Michu - Piedra Xueves - Antes de llegar al puertu San Lorenzo esvíu a mandrecha pa evitar dalgo de carrretera - Oriel.la carretera - Tuiza.

Nel kilómetru seis y mediu aproximadamente hai un tramu d’unos 500 metros que marco con un waipoint como pasu difícil. La dificultá ye una viesquina d'abedurios arrrodiada d’escobes, carrascos, felechos,… que por momentos faen difícil caminar. En realidá más que difícil ye mui incómodu.
De xuru que un pocu más arriba o más abaxo hai un pasu meyor.
La mio cabezonería pa nun esviame o arrodiar fae que con frecuencia atope esti tipu de problemes.
El restu’l percorríu nun tien nenguna complicación.

(Anque toes son de la ruta, munches de les semeyes nun se correspuenden colos llugares de los waypoints).

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneramente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.