Per Nava y Piloña: Picos Mayor o Ques, La Múa y Casielles

Frainoquiso - La Cueva Riba - Camín de los Pilones ¿o de los Piloños? - El Gamonal - Collada Maza - Cortafueos al picu Ques - Picu Ques o Mayor - Colláu La Flecha - Pela pista a la Collada Maza - Camín casi paralelu al de los Pilones - Camín de los Pilones - Maeda pocu aconseyable porque ta mui tomada pola maleza - Picu Trapa -Picu La Múa - Colláu La Verde - Picu Casielles - Mayáu Casielles - Les Balses - El Colladín - Frainoquiso.

(Una maeda o desbentíu ye un sitiu mui pindiu nun monte per onde ye fácil cayer].
Por eso digo que nun ye aconseyable. Atópense antes meyores accesos a la xerrina de La Trapa.
Yo arrepentime cuando taba en medio la maeda pero yá nun yera cosa dar vuelta y tiré p'alantre. De xuru que la próxima vez nun lo faigo.
El camín que nomo como "casi paralelu al de los Piloños" ye un senderucu con daqué broza y nel qu'atopamos un arbolón embaxo que fae'l pasu un pocu enguedeyáu. Posiblemente fuera meyor subir poco dempués del Colláu Maza al camín principal pa dir cresteando pela xerra La Trapa como indica el PR AS-46 Picu La Múa.

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneralmente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.