(Per Redes) Picu Riegos dende Soto

Soto - Foces de LLaimo (Tres kilómetros) - Ponte Retortoriu - El Fresneal - Mayáu Lichariegu - Cantu La Vega - Mayáu Manuela - Mayáu La Baúga - Mayáu Praullongu - Collada Isornu - Mayáu Les Morteres - Cresteríu al sur de La xerra Tendillanes - Picu Riegos - Mesmu cresteríu pa volver a Les Morteres - Cruciar fayéu en direición norte sin esviase muncho al este (Anque paez que lo pide'l terrén) - Saliendo del fayéu siguir direición norte hasta atopar un bon camín que va al mayáu Fresnu - Mayáu Fresnu - Baxar a foz del Nozalín primero en direición sur y ensiguida este - Foz del Nozalín - Agues - Soto.

Dende la collada Isornu fui hasta'l colláu que da pasu al praúticamente desapaicíu mayáu Les Morteres. Dende equí cresteando subí al picu. Antes de llegar a la cume dime cuenta que que podía haber subío sin dificultá dende la collada Isornu. Repití'l crestéu pa volver al mayáu Les Morteres y dirixime al fayéu axacente.
Estos despistes allarguen los percorríos. Nesti casu un kilómetru aproximadamente. Nun m'arrepentí de la mio poca capacidá d'orientación porque ye un fácil y vistosu crestéu nes dos direiciones. De toes formes préstame esponelo equí por si daquién sigue esti track.

Dalgunes semeyes nun se correspuenden col waypoint.

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneramente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.