Picos de Abla (Torre) y Niañu.

Pesquerín - La Bobia - Mayáu La Muezca - Picos de Abla (Torre) - Mayáu'l Corralín o ¿Cerralín? - Cerru Tebrandi - Mayáu Tebrandi - Colláu Ovenes o de La Perra - Crestón de la Piedra - Picu Niañu - Colláu Niañu - Colláu Ovenes - Mayáu Tebrandi - Senderu arrodiando'l cerru Tebrandi - Crestéu este-oeste pel mesmu - Mayáu'l Corralín - Pista - Pesquerín.

Nun me paez mui aconseyable el crestéu que fixi dende'l colláu Ovenes al Niañu. N'alguna ocasión vime obligáu a facer desesguiles que nunca me gustaren. Pémeque sería meyor dir faldiando pel sur de la xerra.
La baxada al colláu Niañu ye un arrodiu innecesariu anque a min apetecíame facela.
Dende'l mayáu Tebrandi foi per un camín que me paicía qu'arrodiaba el picu pero lleva a un colláu que dempués obliga a crestear hasta casi la cume. Val más subir pel mesmu camín que baxamos al dir.

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneralmente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.