Picu La Vara desde El Sutu (Llaviana)

DATOS BÁSICOS:
Tiempu total = 4h 13 min
Tiempu d'ascensu = 1h 58 min
Tiempu de descensu = 1h 55 min
Desnivel = +794 m

DESCRIPCIÓN:
Dexamos el coche nel polígono del Sutu (Llaviana) Comenzamos a subir por una pista hormigoná hasta la antigua explaná de la Mina Coto Musel, donde tenemos el travesal principal y una bocamina auxiliar a la derecha. Si seguimos pola pista, tras un pequeñu descensu, tenemos les antigües cuadres/oficines de Coto Musel y, al fondo, el antiguu planu inclináu pa baxar el carbón al Sutu.

Dando media vuelta, seguimos pola pista que sube empiná a la izquierda, con bastante pendiente y unes cuantes curves cerraes. Acabamos llegando al pueblu de Mardana. Cogemos la carreteruca a la derecha, totalmente en llano, hasta llegar a unes cases. A partir de aquí, hay que seguir por pista empiná que nos acabará por meter en el bosque. Al llegar casi a la fastera, giramos bruscamente a la izquierda y, tras un pequeñu descensu, subimos un poco y tenemos que fijanos pa torcer a la derecha, por un camín empináu. Al fondo, giramos a la izquierda y, dempués, bruscamente a la derecha hasta llegar a un claru. Garramos un senderu que va subiendo y, torciendo a la derecha acabamos llegando a un mayáu con unes buenes vistes de Llaviana y los cordales del entornu.

Seguimos por el senderu más marcáu, en continuo ascensu, hasta llegar a otru colláu donde arriba a nuestra derecha, tenemos un portalón de los ''Senderos del Carbón''. Buscamos el otru senderu que, por mitá de la ladera, nos llevará siguiendo el ''flowtrail'' hasta la base del Picu La Vara. Atravesamos otru portalón de los ''Senderos del Carbón'' y, tras un poco de andanza por pista hormigoná, atacamos directamente la cima del picu, donde tamién hay un casetu de telecomunicaciones.

Baxamos del picu pol otru extremu y enllazamos con la pista hormigoná. Continuamos por ella, sin desvianos, hasta llegar a una gran campera. Seguimos y llegaremos a la Campa Corián. Poco a poco, terminaremos por llegar al pueblu de Canzana. Buscamos el camín llanu que nos indica ''Meruxalín'' y seguimos por él, atravesando bosque. tras un breve repechu, cruzamos el regueru Meruxalín (puen vese perfectamente los restos de actividá carbonera) y, en llano, llegaremos al pueblu de Mardana otra vez. Dende'quí, tornamos al Sutu pel mesmu camín.

En resumen, una prestosa ruta, afayaiza, con bastante desnivel pero transitable 100% sin problema. En époques soleriegues, recomiéndobos echar proteición solar.