PR BI 85 (ANBOTORA IGOTA)

Download

Trail photos

Author

Iñigo Ramirez de Okariz Telleria

6,254 409 4878

See more trails from this author

Trail stats

Distance: 11.75 mi
Elevation gain: 4,275 ft
Technical difficulty: Moderate
Elevation loss: 4,275 ft
Max elevation: 4,241 ft
TrailRank: 49
Min elevation: 490 ft
Trail type: Loop

Moving time: 4 hours 44 minutes
Time: 5 hours 41 minutes
Coordinates: 3281
Uploaded: October 6, 2023
Recorded: October 2023

Be the first to clap

near Axpe, País Vasco (España)

Viewed 19 times, downloaded 0 times

Trail photos

Itinerary description

Ez dakit Bizkaian beste mendi ibilbide ederragorik egongo den, ziur baietz, baina oraingo hau ikusgarria da: Anboto, Alluitz, Aitxiki, Untzillaitz, Urkiola, Pol Pol, Zabalandi... Arrazola, Axpe, Urkiola parke naturalak dauzkan eremu ikonokoetatik pasatuko gara. Zirkularra denez ibilbidea, aukera ezberdinak ematen ditu hasi eta bukatzeko. Gure abiapuntua, baina, Axpe auzoa da. Leiho ederragorik ez dago Durangaldeko mendi magal ederrak ikusteko. Bertatik hasita, Alluitz eta Aitxiki bereizten duen Artola bizkarrera joko dugu. Hemendik, Urkiola aldera, Pol Pol iturri ingurutik Anboto igotzeko hasten den bizkarreraino. Aipatutako ibilbidea (PR BI 85) lagako dugu, momentuz, Anbotora igotzeko, ondoren Zabalandira Anbotoko Hego magaletik jaisteko. Zabalaundin bat egingo dugu aipatutako ibilbidearekin, ez duguna Axpera iritsi arte lagako.

Waypoints

AXPE-MARTZAA (AUZOA)

Axpe-Martzaa Atxondo haraneko auzoa da. Axpe-Martzaa Alluitz mendiaren magalean dago kokaturik, 300 metroko garaieran. 238 biztanle ditu. 1964 arte herri independentea izan zen Axpe-Martzaa edo "Axpe" izenekin, baina urte horretan Arratzola eta Apatamonasteriorekin bat egin eta Atxondo herria sortu zuten. Gure ibilbide zirkularraren seinaleak (txuri eta horiak zein GR-arenak) bertatik pasatzen dira. Jarraitu besterik ez dugu bidea.

SAGASTAGARAI (PR BI 85)

Artola lepora goaz, Alluitz eta Aitxikiko mendiak igotzeko lepora.

OLARRETA (BIDEGURUTZEA-PR BI 85 )

Aurrez aurre dugu, gainean, Artola bizkarra

ARTOLA BIZKARRA (PR BI 85)

Gaina hartuta, Atxarte aldera jaisten hasiko gara.

ASUNTZA, POL POL, ZABALANDI

Seinaleak (PR-ak) markatzen digu gora joan behar dugula. Lasai hartu. Igoera oso polita da, Alluitzeko hegalak aurrez aurre ditugula. "Infernuko zubia" ere antzemango dugu goian.

AMILLA ITURRIA

Goian ere Pol Pol izeneko iturria izango dugu. Bidean dugun ikuspegia ikaragarria izaten jarraitzen du.

ASUNTZA-POL POL BIZKARRA

Bizkarra hartuta aukera dugu Pol Pol iturrira jaisteko. Hemendik gora garai bateko Asuntzako harrobitik pasatuko gara.

PAGOZELAI (BIDEGURUTZEA-ANBOTO)

Hemen, Pagozelain, dakargun bidea laga eta Anbotora igoko dugu (0,9 km). Behin igota, beste hegal batetik jaitsiko gara, berriro lagatako PR-a hartuz. Lasai hartu igoera; gogorra baita.

ANBOTO-BIZKARRA

Gailurra hartu aurretik geldituz gero, itzelezko ikuspegia dugu. Hala ere, azken metroetan kontuz ibili, batez ere lokatza eta buztita badago

ANBOTO (1296)

Anboto Bizkaiko hego-ekialdeko mendi bat da, izen bereko mendilerroko garaiena dena eta Bizkaiko garaienetan laugarrena. Mendi magikoa deitu izan diote, Mari jainkosarekiko loturagatik bereziki. Esandakoa, behatoki aparta da Anboto gaina inguruak eta mendi gainak ikusteko: Oitz, Udalaitz, Orixol, Gorbeia, Sabigain, ... Hala ere, gure helburua beste hegaletik jaistea denez Zabalaundira, gainetik antzeman behar dugu jaitsierarako bidetzurra edo bidexka. Kontuan izan, baina, jaitsiera gogorra, traketsa eta arriskutsua ere badela. Beraz, lasai hartu behar da, eta hainbatetan eskuak ere erabili beharko dira.

ANBOTO-EZKILARKO BEGIA

Aipatu dugun bezala, jaitsiera malkartsua da; kontuz ibili beharrekoa. Tartean, baina, inguru ederrak antzematen dira: Ezkilarko begia.

ZABALANDI (PR BI 85)

Iturria 100 metrora, baina Urkiola aldera dago. Dagoeneko bat egin dugu laga dugun PR BI 85 ibilbidearekin. Arrazola aldera goaz.

ANDASTO-ARRAZOLA (PR BI 85)

Hemen hasten da Arrazola aldera eramango gaituen bidea. Hemendik aurrea Anbotoren ekialdea ikusiko dugu. Esan, eremu hau eskalatzeko-eta debekuak daudela urteko hainbat hilabetetan.

ANDASTO (BIDEGURUTZEA)

Bidean eremu erakargarri honekin bat egin dugu eta Andasto gainera joatea pentsatu dugu (300 metro). Ingurua ikusgarria da. Andastora igotzeko aukera ezberdinak daude.

ANDASTO (805)

Andasto gainetik lagatako bidegurutzera itzuliko gara.

ANDASTO-MIMESKORTA

Pagadia, errekatxoak, harbidea, paisaia... Jaitsiera honetan haorrenbeste "gauza" elkartzen dira, ezinbestean gelditu behar dela inguruaz disfrutatzeko. Lasai jaitsi.

BORDA

Dagoeneko harbidea edo galtzada laga dugu atzean eta Arrazolara garaman pista hartu dugu. Agian berau izan daiteke ibilbidearen zati "itsusiena", besteak beste basoa bota berri dagoelako. Kontuz ere seinaleekin, desagertuta edota lur jota ere daudelako.

AGARREGOIKOA UR BILTEGIA

Arrazola herria azpian

ARRAZOLA (ATXONDOKO HARANA)

Arratzola Atxondo herriko auzoa da gaur egun. Hala ere, 1962. urtera arte herri independente gisa funtzionatu zuen. Urte horretan Apatamonasterio eta Axpe-Martzaa herriekin bat egin eta Atxondo sortu zuten.

ARRAZOLA-URRUTIA (BIDEGORRIA)

XX. mendera arte funtzionatu izan dute burdin eta berun meatze batzuk. Horiek garraiatzeko trenbide bat zegoen, Durango-Elorrio burdinbideko adar bat zena. 1990eko hamarkadan trenbide hori eraldatu eta bide berde bat eratu dute. Berau jarraituko dugu.

BIDEGURUTZEA (AXPE)

Errepidea hartuko dugu, baina 100 metrora ezker aldean hasten den pista hartuko dugu.

BIDEGURUTZEA (PORLANEZKO PISTA)

Errepidea laga eta porlanezkoa hartu. GR a ere bertatik doa.

BIDEGURUTZEAK (ERNE)

Bitxia da, baina orientazio aldetik konplexua da zatitxo hau, bidegurutzeak eta galdutako seinaleak aurkituko ditugulako. Ondoren berriro asfaltatutako errepidera itzuliko gara. Bertan dugu Axpe, gure ibilbide ikusgarriaren bukaera.

Comments

You can add a comment or review this trail