PR-G 22 PANORÁMICO DE VALGA

Vimos falar hoxe do PR-G 22, o Panorámico de Valga. Esta rota circular comeza na casa do Concello de Valga, e vai cara o sur pola N-550 ata chegar a un camiño estreito onde atoparemos unha sinal clara para xirar ata a igrexa de Santa María de Xanza. Seguindo a rota por diferentes aldeas, chegaremos ata un lavadeiro no Río Valga, onde deberíamos continuar pola beira, pero non se pode pola maleza, polo que daremos volta e iremos pola estrada paralela. Chegaremos a unha estrada amplia, que seguiremos ata chegar de novo ao Río Valga, onde xiraremos á esquerda, esta vez sí, pola súa beira. Pronto atoparemos unha ponte para pasar por enriba deste.
Tras pasar isto, cruzaremos un túnel que atravesa a vía do tren, visitaremos a aldea de A Devesa e cruzaremos por penúltima vez o Río Valga pola rúa. Agora teremos que cruzar a vía do tren por enriba, con moito coidado, pero antes, poderemos observar a igrexa de Santa Cristina de Campaña.
Pouco despóis pasaremos por unha zona empresarial ata chegar ao Río Louro, e subir por un camiño paralelo á estrada principal que nos levará ata outra igrexa, a de Santa Comba de Cordeiro, onde poderemos ver un cartel antigo da rota, pero todavía ben conservado.
Agora toca subir ao monte por pistas forestáis, observando todo o val do Ulla preto da súa desembocadura en Catoira.
Máis adiante baixaremos un cortalumes e xiraremos por un camiño bastante pechado pola maleza pero todavía accesible ata chegar á Cerneira, nesa dirección, veremos outra das igrexas da rota, a do Divino Salvador de Setecoros, onde deberíamos ir por detrás dela ata a seguinte curva da estrada, pero tampouco poderemos facelo porque os camiños están pechados. Daremos a volta e continuaremos polo sendeiro, pasando por varias aldeas ata a N-550 de novo.
Alí, entraremos no marxe dereito da nacional, para ver as pradeiras que empregan os labradores dos campos para cultivar. Cruzaremos por última vez o Río Valga e chegaremos a outra estrada amplia, que nos levará, nun desvío, de novo ata o Concello de Valga.