PR-G 230 : Río Lérez e rego Maneses

Río Lérez - rego Maneses- Praderrei
Camiñamos arredor de 3 horas e media, malia que wikiloc indique 1h 11min.
Telo en conta a hora de facelo.
Se inicia este roteiro, PR- G 230, na Área Recreativa de Lodeiro.
Nada máis chegar vemos a confluencia do rego Meneses no río Lérez, do que é afluente. Fermosísimo lugar.
O camiño pode seguirse buscando as marcas amarelas que , polo xeral, están ben visibles. Ó longo do camiño as veces xorden as marcas do sendeiro azul , e incluso poden estar xuntas as das duas cores, esto pode despistarnos, pero se non nos separamos do río, chegaremos ó final.
Neste camiño hai dous puntos conflictivos : O primeiro aparece os aproximadamente 500 m do inicio , hai que subir á carretera ( PO 231) , cruzala andar 50 m polo arcén e seguir a ruta . O seguinte punto confuso está a uns dous quilómetros do Inicio. Hai que subir hasta a carretera (PO 230) para seguir o rego de Maneses( deixo indicacion nas fotografías). A partir deste punto o Maneses faise máis estreito e agreste, ganando rusticidade e beleza . Neste tramo poidemos ver dous merlos rieiros que botaron a voar en canto nos viron, e un pouco atrás , nunha zona algo despexada, entre a copa das árbores, un ratoneiro na procura de presas.
O rio Maneses está cheo de muiños en ruinas, o que nos fala da riqueza agrícola da que gozou esta zona da provincia de Pontevedra.
A paisaxe da un cambio radical cando levamos 3,8 quilómetros. Deixamos atrás o Maneses e comezamos a subir por empinados tramos de escaleiras e congostras que nos levan ata a Área Arqueolóxica de Campo Lameiro.
A zona de mesas e un bo lugar para pararse a comer e descasar antes de iniciar a baixada camiño de Praderrei.
Hai que pasar unha zona de casas para dirixirnos ó Río Lérez . Este tramo pertenece ó seu curso medio e ofrécenos vista dun Lérez alegre, saltarín, xoven, cheo de pequenísimos saltos entre as desgastadas pedras, pequenas fervenzas e abondosa vexetación de ribeira, e, como non, a pegada humana con antigos muiños abandonados.
O final do percorrido faise sempre á beira do Lerez, por un amplo camiño que nos leva,sen perda, ó lugar onde o comezamos.
Esta é a segunda vez que facemos este camiño que tennos namorados, e é seguro que Voltaremos!