PR-G 25 FOXO DO LOBO

Hoxe traemos unha rota, desas que tes que facer sí ou sí en inverno. Mellor un día que faga bastante frío.

Falamos do PR-G 25, rota descatalogada dende fai bastantes anos no Concello de A Lama. O seu percorrido está situado na parroquia de Xesta, entrando nalgúns momentos no Concello de Fornelos de Montes.

Comezaremos na Carballeira dos Prados, ascendendo pola Serra do Suído, por amplos camiños rodeados de peculiares pedras, e vexetación baixa. As vacas dos gandeiros son protagonistas durante todo o camiño.

Nun punto, na parte alta da montaña, cando xa miremos o outro lado da serra, teremos que xirar á esquerda para contemplar a cousa máis característica de esta rota, pola que é nomeada. Trátase do Foxo do Lobo de Xesta. Un foxo do lobo é un gran buraco que se facía na terra, rodeado de pedras para que os lobos caíran nel, e non mataran ao gando. Por sorte, estes foxos xa non están en funcionamento. Nese lugar, podemos tomar un descanso para comer, merendar ou simplemente descansar nas rochas que hai ao seu carón.
Agora, voltaremos por un camiño paralelo ao que vimos, ata o punto onde anteriormente xiramos á esquerda, onde xiraremos de novo cara o outro lado. Seguiremos pola pista de terra, onde preto do final, atoparemos unha mámoa e un pequeno río, que se estamos nun día frío, miraremos completamente conxelado. Seguindo cara adiante, baixaremos ata a aldea de A Grifa, para xirar á dereita pola estrada, pasar pola Ermida dos Prados e rematar a rota.

Este sendeiro ten varias peculiaridades. Se o facemos nun día frío atoparemos charcas completamente conxeladas. O paisaxe xélido e nalgunhas épocas podemos velo nevado.
Tamén poderemos observar o cabalo "salvaxe" galego, en perigo de extinción.

Explicar que esta rota carece de sinalización. Tan só, preto do Foxo do Lobo, poderemos ver os restos da parte amarela da sinal nunha rocha, e na aldea de A Grifa, un cartel verde que pon claramente "Sendeiro do Foxo do Lobo PR-G 25", en perfectas condicións de conservación.