PR-G 29 SENDEIRO DE SAN XUSTO

Hoxe toca falar dunha ruta preciosa, pero desgraciadamente descoidada. Esta é outra destas rutas das que tivemos que modificar o track, respetando os lugares de interese para poder facela sen problemas, de feito, un compañeiro rematóu no hospital despois de caerse nun tramo perigoso, pechado pola maleza, aínda que con consecuencias leves.

O PR-G 29 comeza na Carballeira de San Xusto, ao carón da capela, e baixa ata os baños de San Xusto, no Río Lérez. Este lugar ten unha fonte de augas termáis e un pequeno balneario que aínda está pechado ao público. A partir de aquí, seguimos todo pola beira do Río Lérez, nun dos tramos máis bonitos do sendeiro, pasando por muíños restaurados, e unha pequena fervenza nun regato afluente do Lérez.
Máis adiante cruzaremos unha bonita ponte romana e subiremos por un sendeiro ata un desvío á dereita polo que entraremos para chegar ao primeiro tramo da ruta por onde non se pode pasar pola maleza. Este tramo lévanos á Ermida de Nosa Señora de Lixó. Nós iremos pola estrada paralela ao camiño. Alí daremos a volta e subiremos ata os Petroglifos de Fentáns, uns moi ben sinalizados, e outros cubertos pola maleza. Aquí tamén hai algún desvío do trazado orixinal.
Agora baixaremos pola aldea de Fentáns ata cruzar de novo a ponte romana, onde xiraremos á dereita. Iremos polo mesmo tramo que hai dunha ruta a cabalo ata chegar ao Rego de Cutián. Este río hai que cruzalo, para pasar polo pobo e despóis voltar, pero hai que ter coidado porque a maleza cubre o camiño, e é algo perigoso. Alí foi onde ocorréu o accidente. Máis tarde pasaremos por aldeas, e pola igrexa de San Xurxo de Sacos, e tomaremos un desvío para ver os petroglifos do Lombo da Costa, e por último, daremos volta, ata chegar de novo á Carballeira.