PR-G 46 SENDEIRO DE FORGOSELO

👟 Facía tempo que non publicábamos unha ruta, e que a nosa tempada de rutas está a piques de comezar.

Neste caso, no Concello de A Capela hai un roteiro coñecido como Sendeiro de Forgoselo do que imos falar.

O PR-G 46 comeza no Curro de Forgoselo, un área recreativa onde existen mesas, barbacoas e fontes.

A ruta comeza cara o nordeste, xusto pola zona complicada. O camiño ten dúas partes diferenciadas. O 90% é practicable ata con bicicleta e o 10% restante é difícil ata facelo a pé, pero se levamos unhas botas resistentes á auga non pasa nada.

Pasando dous riachuelos, e pasando por onde poidamos, chegaremos ata a Pena dos Tres Pés, unha formación rocosa peculiar do que o seu nome xa o di todo. Agora, baixando cara o sur, voltaremos chegar aos dous riachuelos para voltar ao Curro de Forgoselo, pasalo e comenzar a parte circular da ruta.
Neste lugar atoparémonos moitas vacas cos seus terneiros, cabalos cos seus potros e unhas vistas dos montes de arredor.

Unha pista asfaltada levaranos ata unha derivación que sube, entre muíños ata o Vértice xeodésico de Racamonde, no Concello de San Sadurniño, dende onde veremos as mellores vistas da zona.

De novo, voltaremos cara atrás e baixaremos pola aldea do Ameneiro, ata o río do mesmo nome, e no seguinte desvío, xiraremos a esquerda.

Poucos metros máis adiante, adentrarémonos nun camiño de terra que, entre pradeiras, vistas, mámoas e animáis, levaranos ao cruce que nos dirixe de novo ao comezo da ruta.