Praia de Barayo- Cascada Pozo Fero (Valdés)

Ruta circular desde Parking Playa Barayo pasando por:
- Mirador Barayo (1.1 km)
- Puente rio Barayo (1.7 km)
- Cascada Pozo Fero (5.7 km)
Interesante e moi fermosa ruta costeira e fluvial.
Partindo do aparcadoiro que está ao pé da praia de Barayo, intentamos baixar á mesma por unhas rústicas escaleiras despois de percorrer uns 200m.por un carreiro. Cando xa estabamos a piques de rematar a baixada tivemos que volver subir porque debíamos cruzar o río Barayo que desemboca nesta praia e levaba moita auga (hai que cruzalo a pé) Penso que o acceso á praia por este lado só é posible cando as mareas son grandes e está moi baixa.
Fomos polo outro acceso(está indicado) que é moito máis largo pero é precioso, por un camiño rodeado de árbores e despois de chegar a un muíño ruinoso e cruzar unha ponte sobre o río Barayo, entramos na zona de marismas polo medio dun fermoso bosque que debido á moita chuvia destes últimos tempos tiña tramos totalmente anegados que salvamos indo por sendeiros alternativos e xa moi pateados.
Chegar á Praia de Barayo e tela para nós solos foi algo marabilloso. Poidemos adentrarnos nas covas que hai, chamadas As Santinas e que ofrecen todo un espectáculo de cores: amarelo, ocre, marrón, verde... Moi fermoso!!
Este enclave todo é Reserva Natural Parcial e ten dunas, marismas, bosques, acantilados e moitas plantas e fauna que fai que sexa unha Paisaxe Protexida.
Voltamos ata a ponte anterior sobre o río e pillamos un ancho camiño á esquerda ao pé do río entre unha frondosa vexetación e tramos anegados que fomos sorteando (para facer sendeirismo semptre hai que ir coa roupa e sobre todo co calzado axeitado)
Chegamos á Cascada do Pozo Fero que non é moi alta pero a súa caída en dous saltos e a forza que trae a auga (por algo se lle chama "fero") unido a un entorno bucólico fai que esta visita sexa imprescindible se amamos este tipo de paisaxe natural.
En lugar de voltar polo mesmo sitio, subimos ata o outro aparcadoiro moi próximo e xa dende aí, uns metros por estrada e logo por un camiño, chegamos deseguida ao punto de inicio.
Unha ruta fabulosa e moi recomendable!!