Quintela de Humoso. Ruta do Pai Eterno. Viana do Bolo
near Quintela de Humoso, Galicia (España)
Viewed 71 times, downloaded 5 times
Trail photos
Itinerary description
Ruta circular, sinalizada, que comeza a carón do santuario do Pai Eterno na aldea de Quintela de Umoso, concello de Viana do Bolo. Descorre, mormente, por camiños limpos de maleza, por entre touzas e soutos. A parte alta é máis descuberta; poden ser uns dous quilómetros e medio. Nas aldeas hai billas onde aprovisionarse de auga e tamén hai no principio...
Como elementos interesantes da camiñada (aínda que isto é subxectivo) anoto as paisaxes, magníficas e lonxincuas, nunha contorna aínda bastante autóctona. Alcánzase a ver a Serra de Queixa e o que parecen ser os montes dou Courel...
Forman parte desta paisaxe os soutos de grandes castiñeiros pluricentenarios e algún carballo enorme na parte máis baixa, xunto ao río Bibei.
Outro contido atractivo son as aldeas e os elementos arquitecturais populares.
As igrexas de Tabazoa e Umoso mostran unhas características rústicas (por dicilo así, e sen ánimo pexorativo) que lles dan aspecto de autenticidade.
O pazo de Umoso é un edificio impresionante que sinala o poderío que tivo esta casa no seu momento. Mágoa de certos elementos anexados e, aínda que non está abandonado de todo, un mor mantemento. A fachada da súa capela atrae a atención. No mesmo barrio do pazo hai outras casonas que, no seu tempo, formaron parte da propiedade.
O santuario do Pai Eterno congregaba en tempos pasados multitude de asistentes no día da romaxe. É un edificio barroco, de importante volume, e no que destaca o sineiro, moi alto e traballado. Estas dimensións fan que sexa observable dende toda a contorna. É un elemento que destaca e domina (para iso foi feito, claro). No recinto existen tamén outras construcións para servizo dos romeiros e tamén unha zona de merenda moi xeitosa, á sombra da arboreda. Como queda dito, tamén hai unha toma de auga.
Ruta moi fermosa e cun certo punto de dureza polo desnivel acumulado. Pode suprimirse (perdendo ese elemento moi interesante) a visita de ida e volta ao "Pai de todos os rebolos", ese carballo enorme a carón do río. Esta parte é bastante costenta. Polo demais, pode ser indicada tanto para días de sol coma incluso para días de mal tempo por ir gran parte abrigada pola arboreda. Totalmente recomendable!
Como elementos interesantes da camiñada (aínda que isto é subxectivo) anoto as paisaxes, magníficas e lonxincuas, nunha contorna aínda bastante autóctona. Alcánzase a ver a Serra de Queixa e o que parecen ser os montes dou Courel...
Forman parte desta paisaxe os soutos de grandes castiñeiros pluricentenarios e algún carballo enorme na parte máis baixa, xunto ao río Bibei.
Outro contido atractivo son as aldeas e os elementos arquitecturais populares.
As igrexas de Tabazoa e Umoso mostran unhas características rústicas (por dicilo así, e sen ánimo pexorativo) que lles dan aspecto de autenticidade.
O pazo de Umoso é un edificio impresionante que sinala o poderío que tivo esta casa no seu momento. Mágoa de certos elementos anexados e, aínda que non está abandonado de todo, un mor mantemento. A fachada da súa capela atrae a atención. No mesmo barrio do pazo hai outras casonas que, no seu tempo, formaron parte da propiedade.
O santuario do Pai Eterno congregaba en tempos pasados multitude de asistentes no día da romaxe. É un edificio barroco, de importante volume, e no que destaca o sineiro, moi alto e traballado. Estas dimensións fan que sexa observable dende toda a contorna. É un elemento que destaca e domina (para iso foi feito, claro). No recinto existen tamén outras construcións para servizo dos romeiros e tamén unha zona de merenda moi xeitosa, á sombra da arboreda. Como queda dito, tamén hai unha toma de auga.
Ruta moi fermosa e cun certo punto de dureza polo desnivel acumulado. Pode suprimirse (perdendo ese elemento moi interesante) a visita de ida e volta ao "Pai de todos os rebolos", ese carballo enorme a carón do río. Esta parte é bastante costenta. Polo demais, pode ser indicada tanto para días de sol coma incluso para días de mal tempo por ir gran parte abrigada pola arboreda. Totalmente recomendable!
Waypoints
You can add a comment or review this trail
Comments