San Cosme - Fervenza do Río Bouzós- Pena da hedra- Merendeiro das Cruces. O Morrazo

Tempo que nos levou este paseo : 3 horas, nos fagades caso do tempo e velocidade que di wiki , xa sabedes que as veces non vai moi fino.
Comezamos o camiño na Ermida de San Cosme, tras do Poligono da Portela en Bueu, que está nada máis sair da CG 4.1, Corredor do Morrazo, saída a Bueu, PO551.
Trátase dun camiño ben sinalizado en amarelo, os desvios son claros agás o que atopamos a 1, 4 quilometros do inicio , ahi falta o sinal que deberia indicar un xiro a esquerda para continuar o roteiro amarelo, que pasa paralelo a CG4.1 para ir ascendendo posteriormente, e que nos pasamos de largo. Pero como é frecuente neste tipo de erro, levounos a un punto no que non reparáramos antes de iniciar o camiño: a Área recreativa Os Lagos, no Camiño do Tormentelo, que ten unhas cuantas mesas a sombra das árbores e unha fonte onde repoñer a auga, que neste camiño consúmese abondo.
Volvemos sobre os nosos pasos e uns 200 m máis adiante atopamos o sinal e confirmounos que íbamos no camiño.
A partir deste punto todo o que baixamos o volveremos a subir ata chegar Fervenza do Río Bouzós a 3 quilómetros do inicio do camiño, que é pequena pero crea na súa contorna un espazo húmido de gran fermosura,
Neste punto xorden varias alternativas: voltar a San Cosme, subir ó pico da Serra, ir as Pozas de Sandis e ó Monte Pequeno ou optar polo mais cercano que é ir a Pena da Hedra uo Pedrahedra que está a 500 m do río monte arriba. Deixo foto deste feiticeiro lugar. Aquí non habia sinal de GPS e vese o trazo en liña recta, que non é tal pero seguindo os indicadores do sendero chégase a área de recreo das Cruces, un moi bo lugar para facer un descanso, comer algo e decidir se continuar o sendeiro cara Ermelo ou intentar a volta por un camiño alternativo, que é o que nos fixemos.
Este percorrido ten moitas posibilidades de camiños alternativos e penso paga pena camiñalos e descobrir algun dos segredos agocha ó Morrazo.