SAN MARTZIAL BIRA
near Ozaeta, País Vasco (España)
Viewed 17 times, downloaded 1 times
Trail photos
Itinerary description
Waypoints
MIGEL ALTUNA
Lanbide Heziketarako zuzenduta dagoen aparkalekuan lagako dugu kotxea. Gora joko dugu errepidetik. Gure lehen helburua Agerre-Agirre baserrira eta troja-lekura joatea da.
AGIRRE-AGERRE BASERRIA ETA HORREOA (TROJA-GARAIA)
XV. mendearen lehen erdiko benetako garai bakarra dugu Gipuzkoan. 1983-1985ean Udalak konpondu egin zuen, bere jabetzakoa da eta. Telesforo Aranzadi jaunaren ikerkuntza-dokumentuen arabera, badirudi baserria gure Done Martin Agirreren etxea izan zela. MDCCXLI urteko beatifikazioari buruzko grabatuan dagoen baserria ere Agirre omen da. Itxiturak eta banandurak haritz-egurrez daude eginda, eta ezin hobeto mihiztatuta. Ez dute inolako iltzerik eta kokapena bitxia da oso. Baserriko fatxada nagusiarekiko elkarzut dagoen eskaileratik igotzen da garaira. Eskailera-buruak karela dauka eta gainontzeko eremuetara eramaten gaitu. Barruan egurrezko kutxa handi bat dago: karela eta hainbat esparru ditu zereala gordetzeko. Ganbararen bi aldeetan fruituak gorde eta lehortzeko erabiltzen zituzten eremuak daude. Baserria, fatxada nagusiko ataria, garaiaren ondoan dagoena, ez zegoen hor hasieran. Ziur aski XVIII. mendean eraikiko zuten.
SURRAGAKO GURUTZEA ETA ITURRIA
Asfaltatutako bidea jarraituz iritsi gara. San Martin Agirre kanonizatua omentzeko eraikitako gurutzea edo oroigarria da. Asfaltatutako bidetik jarraituko dugu, gora.
SAN MARTZIAL (BIDEGURUTZEA)
Baserri ederrak dakusagu han eta hemen, bidean zehar.
SAN MARTZIAL ERMITA/ERROMERIA
Uztailean ospatzen da San Martzial eguna eta erromeria Bergaran. Ospe handiko jaia da, eta oso herritarra. Hala ere, ez dirudi ermitari erreparatzen diotenik. Ermitak konponketa handi baten beharrean dago, eta teilatua jaustear dagoenez, itxitura jarrita dago. Ea bergararrak animatzen diren auzo lanean eta ekiten dioten ermitaren zaharberritzeari.
ASKATSUAZPIKOA
Asfaltatutako bidearekin bat, Bergara aldera goaz. Bi baserrirekin topo egingo dugu: Askatsuazpikoa eta gainekoa. Azpiko hau ikusgarria, Euskal Herriko baserrien artean dotoreenetakoa, eta teilatuko landutako egur-egiturek XVI. mendera garamatzate.
SANTA MARINA (BERGARA)
Dagoeneko herrigunean gaude. Bide gorria jarraituko dugu irteera punturaino.
DEBA IBAIA (BERGARA)
Deba ibaiaren gainetik pasatzen zen garai batean Gasteizera (eta Oñatira) zihoan trena. Gaur egun bidegorri bihurtu da ia dena.
You can add a comment or review this trail
Comments