Sendeiro do río Barbeira (Cotobade)

Este sendeiro marcado, que no seu primer quilómetro vai por camiño asfaltado ata Cerraxe, vos levará por uns camiños de outros tempos, entre pedras de muros e carballeiras a vosa beira. Esto é o que dí a lenda dos paneis informativos da ruta:
Este sendeiro parte da igrexa parroquial de Augasantas, en dirección norte, buscando o val do río Barbeira, deixando atrás o Coto do Castro, onde se confirmou a existencia de restos arqueolóxicos de interese, avanzamos cara ao lugar de Calvos, que atravesamos cara a Cerraxe de Abaixo de onde parte o Camiño das Moas, corredoira que nos leva ata o regueiro das Maceiras.
Seguimos a ruta e chegamos a Forxa de Martín, cun bonito canastro. Mais adiante atopamos o Peto da Godela, cerca do cal está a Casa da Peste cunha inscrición que a data no ano 1721 e no seu interior podemos admirar un precioso arco obra dos canteiros locais.
Continuamos o camiño entre carballos, acivros e algún castiñeiro e podemos descubrir un pozo de pedra con escalóns. Pronto descubrimos unha bifurcación no camiño que nos leva ata o río Barbeira e logo ao Peso, conectando aquí coa Ruta da Liberdade (concello de A Lama). Volvemos de novo ao Peto da Godela e seguimos cara a Trebello, podendo admirar unha poza de regar e os muros que nos levan ata a aldea co seu cruceiro.
Baixamos logo polo Camiño dos Mortos ata a Ponte Súa Lomba, punto no cal temos de novo conexión coa Ruta da Liberdade.
Aquí podemos desandar o andado ou ir pola Ruta da Libertade e logo cruzar outra vez o río Barbeira na Ponte de Peso, chegar ao Peto de Godela e regresar a Augasantas.
Se vos parece corta a ruta, podedes continuar polo sendeiro que leva ao castro de Famelga.