Serra de San Mamede pola Edreira
near Queixa, Galicia (España)
Viewed 2544 times, downloaded 31 times
Itinerary description
A ruta arranca na cola do encoro de Chandrexa de Queixa, na Ponte de Santa Cruz, no concello de Chandrexa de Queixa, seguindo o vello camiño da Edreira. Non hai escapatoria nin perda, en todo momento as pronunciadas e escarpadas paredes das serras, especialmente da de Queixa pola banda esquerda, non deixan dúbida nin ganas sequera de intentalo.
O percorrido acompaña a ruta ao río da Queixa, ascendendo serea e paseniñamente cara A Ferrería (vestixio dunha antiga e artesanal industria metalúrxica, hoxe acubillo de gando) onde se suman as augas do regato de Torneiros que recolle as das concas aínda más pequenas de Montederramo polo lugar de O Teixedo, outro pobo abandonado non moi lonxe da cara este de O Bidueiral de Montederramo.
Xa n’A Ferrería as tornas cambian e o tranquilo camiño encabritase para levarnos cara os cimos da serra de San Mamede e gozar da magnificiencia da paisaxe e da atracción da “alta montaña” galega. L ogo do paseo polos cumios, prosegue o camiño co descenso tendido pero continuo que nos leva de volta e nos achega ata o que un día, non moi afastado, foi A Edreira, lugar recóndito, situado onde nace o río de Queixa que divide este concello e o de Montederramo, un pequeno "oasis" en pleno corazón do Macizo Central Ourensán. E xa pouco queda para retornar a antiga ferrería, onde desfacemos o andado ata o punto de partida na Ponte de Santa Cruz, deixando atrás lugares incribles onde moitos dos fuxidos que loitaron contra o réxime franquista atoparon destemplado refuxio.
O percorrido acompaña a ruta ao río da Queixa, ascendendo serea e paseniñamente cara A Ferrería (vestixio dunha antiga e artesanal industria metalúrxica, hoxe acubillo de gando) onde se suman as augas do regato de Torneiros que recolle as das concas aínda más pequenas de Montederramo polo lugar de O Teixedo, outro pobo abandonado non moi lonxe da cara este de O Bidueiral de Montederramo.
Xa n’A Ferrería as tornas cambian e o tranquilo camiño encabritase para levarnos cara os cimos da serra de San Mamede e gozar da magnificiencia da paisaxe e da atracción da “alta montaña” galega. L ogo do paseo polos cumios, prosegue o camiño co descenso tendido pero continuo que nos leva de volta e nos achega ata o que un día, non moi afastado, foi A Edreira, lugar recóndito, situado onde nace o río de Queixa que divide este concello e o de Montederramo, un pequeno "oasis" en pleno corazón do Macizo Central Ourensán. E xa pouco queda para retornar a antiga ferrería, onde desfacemos o andado ata o punto de partida na Ponte de Santa Cruz, deixando atrás lugares incribles onde moitos dos fuxidos que loitaron contra o réxime franquista atoparon destemplado refuxio.
Comments (1)
You can add a comment or review this trail
Gústame esta ruta, aínda que é algo longa, sobre todo tendo en conta as costas que hai que subir. Grazas por compartila.