Sosote- Garallutz-Gaintxipia-Otaerre-Lizarreta-Arbil. Lastur inguruan

Ibilbidearen helburua Euskal Herriko 100 mendi zerrendetan -Lastur inguruan- dauden lau mendi kateatzea da: Garallutz, Gaintxipia, Otaerre eta Lizarreta. Bidean, beste zenbait ere egingo ditugu.

Ibilbidea zaila bezala kalifikatu dut: tramo asko biderik gabea da, eta okerrena, batzuetan bidea izanik ere, sasi eta ote tartean ibili beharra dado. Beraz, egitekotan, praka luze eta lodiak beharrezkoak dira.

GI-3292 errepidea, Lasturretik pasatzen dena, da abiapuntua eta helmuga. Justu 2,8 p.k.-an.

Hasieran hormigoizko pista batek, Sarobe baserrira eramango gaitu; hemen, bere aurretik pasa eta mendian gora bidea gero eta hestuago da, eta bukatu egiten da. Apenas biderik gabe eta gero eta itxiago dagoelarik, lehen gailurra: Sosote (519m; 50min).

Atzera pausu batzuek emanaz, lepora jaitsiko gara, hegoaldera. Hemen jarraitzen dute arazoek; bidexka, bai, bada, baina jarraitzen oso zaila eta era guztietako landare arantzadunek ez digute bidea errez jarriko.

Hurrengo gaina igotzen hasterakoan, pintura gorriz egindako markak jarraituz, bidea errazago egingo zaigu. Garallutz (575m; 1h20min).

Hemen ere pausu batzuek atzera egin eta ekialdera piska bat eginez, pintura gorrizko markak jarraitzen dute; borda ireki bat dagoen lepora zailtasunik gabe aterako gaitu. Bordatik aurrera bide garbia dago; hegoaldera bira haundi bat egin ondoren, ezkerrera hartu eta norabide egokia errekuperatuko dugu. Baserri bat dagoen lepora atera eta aurrean daukagu hurrengo gailurra; aldapa berdea ia zuzen-zuzen igoaz, Gaintxipia(603m; 2h10min).

Hemen ere atzera pausu batzuek eman eta berdera atera. Hurrengoa, antenak dituen Otaerre dugu; nire saiakera bidexkak jarraituz, norabide egokian jaistea izan zen, bainan ez nuen jarraipenik lortu. BERAZ, ARRASTOARI EZ KASU EGIN, eta jaitsi terreno garbitik mendebaldera, goi tentsioko dorrerantz; hemen bidea garbia aurkituko dugu, hego-ekialdera doana.
Arrastoa jarraituz, beti ere bide garbietatik, hurrengo gaina: Otaerre (663m; 3h 10min).

Hemen ere pauso batzuek atzera egin eta antena denak gure eskuinera utziaz, zuzen-zuzen biderik gabe hasieran eta gero pistetan jarraituz, bide nagusira aterako gara. Hasieran ipar aldera eta gero pistak bira handi bat egiten du ezkerrera. Hormigoizko pistara aterako gara. Hemendik Lasturreraino, autoen bidetik jaitsiko gara. Beherago, bidea moztearren, eskuinera hartu nuen, baina naiz eta hasieran bide ona aurkitu gero erabat okertu zen eta zailtasun haundiz ibili nintzen sasi eta eroritako arbolen tartean. Beraz, autoen bidetik jaitsi herriraino.

Hemen, frontoia eskuinera utzi eta PRa hartuko dugu; Araneta izeneko etxera inguratzean, ezkerrera egin eta ur kanal zahar batean joango gara. Eskuinean zelai berde bat azaltzen zaigunean, -gainkaldean Lizarreta baserria-, PRa utzi eta zelaian gora hartu (nik ataka irekia eta belar motxa aurkitu nuen); bigarren zelaira iristean, hesia pasa eta atera egingo gara zelaitik. Baserria eskuinean geratzen zaigu. Aldapan gora, bide argirik gabe ipar-ekialdera goaz; zenbat eta gorago orduan eta bide itxiago dago! mendi bizkarrera ateratakoan bidea ez da errazten. Zailtasun haundiarekin gailurra lortzen dut: Lizarreta(537m; 5h50min). Hemen bukatzen dira bide sasitsuak; ipar aldera jaisten den bidezidorra hartu; berehala pistan bihurtzen da eta Eguzkitza baserrira aterako gara. Hemen, ezkerrera hartu eta norabidea errekuperatuko dugu. Hurrengo mendia eta gaurkoz azkenekoa bistan daukagu eta berde-berdea da! bira haundi bat eginaz, bere ipar aldeko maldatik igoko dugu: Arbil(443m; 6h40min).
Hemendik, ekialdera zuzen-zuzen aldapa berdean jaitsiz, hesia pasa ondoren pistara aterako gara; beherago, lehen utzitako kanalean doan PRa hartu eta gerturatuko gera amaierara. Lepo batera ateratzeko, PRa utzi eta pistan jarraituz, errepidera aterako gara