Sto. Estevo de Atán - Augacaída, Marce. Concello de Pantón.
near Atán, Galicia (España)
Viewed 194 times, downloaded 6 times
Trail photos
Itinerary description
Ruta circular por un lugar singularmente interesante da Ribeira Sacra: a fervenza de Augacaída. Repetición da mesma ruta.
Ao comezo temos a igrexa de Santo Estevo de Atán, resto dun mosteiro alto-medieval, edificada nos séculos XII-XIII e con reformas posteriores. Algúns dos seus elementos fóronlle restituídos logo de formar parte das construcións da aldea. Digna de visitar!
Por camiños e carreiros antigos, iremos atravesando fermosas fragas, aldeas (Reiriz, Seoane, Cabo de Vila...) e gozando de bonitas paisaxes. Atravesamos o regueiro de Aguianza e baixamos gozar do espectáculo da fervenza, ben lucida nesta época do ano. (Mágoa que nestas datas hai moita afluencia de xente, pero positivo tamén que este monumento natural sexa coñecido).
Logo de pasada a fervenza, o GPS entoleceu e deu un trazado errático. Non hai perda en seguir as indicacións para visitar outro punto de interese singular: o Castro de Marce. Este é un miradoiro fantástico sobre o canón do Miño (porque do castro non se nota nada).
Segue unha notable subida ata Marce, aldea con aire de vila, moi rica noutrora. A partir de aquí un longo treito por estrada hanos levar a Cima de Atán e, dende aquí, xa só queda baixar por camiños ata os barrios de Prado, Pazo de Atán e O Souto e fin da ruta.
O percorrido integra parte de rutas marcadas con outras non sinalizadas, polo que é necesario guiarse cun GPS. Como queda dito ten un treito de estrada a fin de facela circular. Bastante parte del transcorre baixo arboreda e sombra, válido pois para días de moito sol, aínda que igualmente abrigado para mal tempo (neste caso, coidado na baixada á fervenza!) Os camiños están limpos pero compre calzado apropiado, en todo caso. O máis duro é o importante desnivel acumulado; non é unha ruta para persoas que non estean afeitas a camiñar montaña.
Ao comezo temos a igrexa de Santo Estevo de Atán, resto dun mosteiro alto-medieval, edificada nos séculos XII-XIII e con reformas posteriores. Algúns dos seus elementos fóronlle restituídos logo de formar parte das construcións da aldea. Digna de visitar!
Por camiños e carreiros antigos, iremos atravesando fermosas fragas, aldeas (Reiriz, Seoane, Cabo de Vila...) e gozando de bonitas paisaxes. Atravesamos o regueiro de Aguianza e baixamos gozar do espectáculo da fervenza, ben lucida nesta época do ano. (Mágoa que nestas datas hai moita afluencia de xente, pero positivo tamén que este monumento natural sexa coñecido).
Logo de pasada a fervenza, o GPS entoleceu e deu un trazado errático. Non hai perda en seguir as indicacións para visitar outro punto de interese singular: o Castro de Marce. Este é un miradoiro fantástico sobre o canón do Miño (porque do castro non se nota nada).
Segue unha notable subida ata Marce, aldea con aire de vila, moi rica noutrora. A partir de aquí un longo treito por estrada hanos levar a Cima de Atán e, dende aquí, xa só queda baixar por camiños ata os barrios de Prado, Pazo de Atán e O Souto e fin da ruta.
O percorrido integra parte de rutas marcadas con outras non sinalizadas, polo que é necesario guiarse cun GPS. Como queda dito ten un treito de estrada a fin de facela circular. Bastante parte del transcorre baixo arboreda e sombra, válido pois para días de moito sol, aínda que igualmente abrigado para mal tempo (neste caso, coidado na baixada á fervenza!) Os camiños están limpos pero compre calzado apropiado, en todo caso. O máis duro é o importante desnivel acumulado; non é unha ruta para persoas que non estean afeitas a camiñar montaña.
Waypoints
Religious site
1,042 ft
Santo Estevo de Atán
Igrexa do século XII-XII, reedificada con posterioridade. Varios elementos foron recuperados de construcións da aldea.
You can add a comment or review this trail
Comments