Subida ao cumio de A Moa desde Vadebois
near Cornido, Galicia (España)
Viewed 2197 times, downloaded 43 times
Trail photos
Itinerary description
A Zona de Especial Conservación (ZEC) Carnota - Monte Pindo é un espazo natural de alto valor ecolóxico que forma parte da Rede Natura 2000. Posúe unha excepcional beleza paisaxística e conta cunha chea de elementos xeomorfolóxicos singulares, con espectaculares exemplos de modelado granítico, grandes rochas de formas convexas e cóncavas como os domos rochosos (A Moa), os outeiros recubertos de bolos ou bloques, os relevos acastelados e un macizo illado de granodioritas que se eleva abruptamente sobre unha plataforma de abrasión costeira e a conca baixa do río Xallas. Alcanza a súa altitude máxima de 627 metros na impresionante Laxe de A Moa, a escasos 2 quilómetros do mar. Desde a distancia destaca a súa cor ocre cando é iluminado polos últimos raios de sol ao atardecer.
Ao cumio de A Moa pódese subir desde o núcleo de O Pindo (roteiro clásico), desde o lugar de O Fieiro, desde Caldebarcos e tamén desde Vadebois, sendo este último percorrido o que nós imos facer.
Comezaremos a nosa andaina onde o rego de Amil entrega as súas augas ao río Vadebois, na área de lecer que hai na ruta dos muíños, un chisco antes da aldea de turismo rural de San Cibrán. Para subir temos tres posibilidades:
1.- Logo de ir pasando polos sete muíños do rego de Amil (beira esquerda a contracorrente), seguir pola súa marxe (pasando o último muíño o carreiro atopábase con algo de mato).
2.- Un treito antes do sétimo muíño, a esquerda sobe un sendeiro polo monte.
3.- Desde o punto de inicio, coller pola pista (ao principio asfaltada) que sobe a dereita da área de lecer. Éste é o camiño a seguir se a motogueira pechou as outras dúas subidas.
Chegaremos ata Chan das Lamas que é un extenso planalto onde hai grandes currais para o gando. Seguimos ao miradoiro de Onde se Adora con engaloiantes vistas sobre Quilmas, Ézaro, Fisterra e a illa Lobeira. Por un carreiro de montaña, entre colosais formacións graníticas, conectamos coa subida que parte de O Pindo e xa no Chan de Lourenzo veremos a senlleira rocha cabaleira chamada O Guerreiro. De aquí continuamos a ascenso ata o cimo de A Moa, con impresionantes panorámicas sobre a longuísima praia de Carnota, as marismas da Boca do Rió, a Costa da Cabra, Quilmas coas súas praias, Ézaro, Cee, Corcubión, Fisterra e encoro da Fervenza..
O camiño de volta farémolo desandando o de ida.
Ao cumio de A Moa pódese subir desde o núcleo de O Pindo (roteiro clásico), desde o lugar de O Fieiro, desde Caldebarcos e tamén desde Vadebois, sendo este último percorrido o que nós imos facer.
Comezaremos a nosa andaina onde o rego de Amil entrega as súas augas ao río Vadebois, na área de lecer que hai na ruta dos muíños, un chisco antes da aldea de turismo rural de San Cibrán. Para subir temos tres posibilidades:
1.- Logo de ir pasando polos sete muíños do rego de Amil (beira esquerda a contracorrente), seguir pola súa marxe (pasando o último muíño o carreiro atopábase con algo de mato).
2.- Un treito antes do sétimo muíño, a esquerda sobe un sendeiro polo monte.
3.- Desde o punto de inicio, coller pola pista (ao principio asfaltada) que sobe a dereita da área de lecer. Éste é o camiño a seguir se a motogueira pechou as outras dúas subidas.
Chegaremos ata Chan das Lamas que é un extenso planalto onde hai grandes currais para o gando. Seguimos ao miradoiro de Onde se Adora con engaloiantes vistas sobre Quilmas, Ézaro, Fisterra e a illa Lobeira. Por un carreiro de montaña, entre colosais formacións graníticas, conectamos coa subida que parte de O Pindo e xa no Chan de Lourenzo veremos a senlleira rocha cabaleira chamada O Guerreiro. De aquí continuamos a ascenso ata o cimo de A Moa, con impresionantes panorámicas sobre a longuísima praia de Carnota, as marismas da Boca do Rió, a Costa da Cabra, Quilmas coas súas praias, Ézaro, Cee, Corcubión, Fisterra e encoro da Fervenza..
O camiño de volta farémolo desandando o de ida.
Waypoints
You can add a comment or review this trail
Comments