Subida ó Castro Leboreiro, Serra da Madalena, O Morrazo

Castro Leboreiro.
Comezamos este roteiro na Ermida de San Cosme na rúa Alto da Portela , xusto o sair do corredor do Morrazo cara Bueu na PO 551.
E un percorrido longo, ten uns 11quilómetros e dura unhas 5 horas camiñando seguido, malia o que digan os datos de wikiloc, que as veces non vai moi fino.
Hai que atravesar a carretera e meterse por tras dunha fábrica, subir pola pista do monte ate chegar ó inicio da ruta que está a 1800 metros da Ermida de San Cosme. Deíxovos fotografia do cartel explicativo o dos indicadores de dirección.
Nos subimos ó Alto da Madalena e ó Alto do Carballiño que se atopan a 280 m de altitude, onde hai un vértice xeodésico, dous centos metros máis adiante está o miradoiro de Mesa de Montes con vistas de todas as práias do Morrazo e Bueu. Só por elas paga a pena facer o esforzo de chegar alí.
Nos tomamos un petisco nese punto, antes de comezar a baixada que ten unha considerable pendente e hai que facela con calma.
A ruta está ben sinalizada e en boa parte dela teremos sombra o que se agradece en días de calor coma o de hoxe.
Houbo un punto no que o camiño deixou de grabarse, e aparece coma unha liña recta monte través, non é tal, o que fixemos foi seguir o camiño que levounos ó IES María Soliño, ali hai unha fonte onde enchemos de auga as botellas, e seguimos uns 200m por diante da escola Monte Carrrasco para tomar novamente o camiño da Serra da Madalena, que nese punto vai paralelo ó Camiño real do que vai afastandose ( non confundilos). Esto engade 2 quilómetros o que vedes grabado en wikiloc.
Neste tramo a paisaxe é máis húmida e fresca e imos avanzando entre árbores e xestas camiño do Castro Liboreiro. O camiño está, en xeral, ben sinalizado, pero cando ibamos cara alí perdemos as marcas e fomos monte través, non por propia vontade, e que enguedellámonos de forma tal que ben certo é que demos co castro pero de casualidade. Por fin atopamos o sendeiro, que case me parece excesivo darlle este nome pois con dificultade collen os dous pes, e poidemos subir ó alto do monte Liboreiro que está a 349 m de altitude, que ó non ter nada máis diante, ofrece unha panorámica desde a que se ve incluso Arousa. O lugar é moi fermoso.
A baixada volve ser complicada, con risco de escordar os pes , ata chegar a pista polo monte que nos llevará novamente o encrucillada do cartel explicativo . Agora queda volver ó punto de partida, que supón desandar os 1800 m iniciales.
Temos pensado voltar e ver os petroglifos, pero hoxe son xa as 5 da tarde hora de comer e descansar.
A Serra da Madalena foi para nos unha grande descoberta, e deses lugares que temos preto e que descoñecemos e merecen ser visitados.
Volveremos!