Tabayones de Buanga(Guanga) y picu Plantón

Perlavia - Tabayones de Buanga - Picu Plantón - Carretera Llinares - Caleya a pista Sama - Pista Sama - Sama:Palaciu y La Veiga - Carretera Trubia - Perlavia.

Entámase'l camín nel guapu pueblu de Perlavia. Con direición sureste pela ruta del Osu y pente una guapa viesca llégase a los tabayoninos de Buanga qu'en tiempos de lluvia producen plasmu pola so guapura. Dempués de que los nuesos güeyos gocien con esti espectáculu natural abandonamos la ruta l'Osu y con direición suroeste per un senderín que sigue viesca arriba y dempués pente felechos va bordiando per mandrecha la xerra Buanga.
Tres dos kilómetros y mediu de llevadera subida llegamos a la carreterina que, pasando per Castañeo del Monte(Santo Adriano), xunta San Andrés(Uviéu) con Llinares(Proaza).
Ensin llegar a ella, con direición este, entamamos la fácil subida al vistosu picu Plantón.
Dempués de recrease coles guapes panorámiques baxamos pel mesmu camín y travesando per una portiella salimos a la carretera pela que caminamos unos 800 metros con direición a Llinares. Poco antes d'una cuadra qu'hai a manzorga per una caleya a la derecha y con barru abondo llegamos a una pista que sin pérdiga posible báxamos a Sama.
Lluéu pela carretera Trubia volvemos al principiu y fin d'esti prestosu paséu.
Esti fácil percurríu, n'époques lluviose tien la dificultá casi insalvable del barrizal de la caleya que va de la carreterina LLinares a la pista que baxa a Palaciu(Sama).
La solución ye siguir un kilómetru más arriba y garrar la pista que xunto al lletreru de Llinares va al mesmu situ. De pasu pue subise al cercanu pisu Grandamiana, techu de Santo Adriano.

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneralmente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.