Tablao-La Balanza-Picu La Nariz-Picu Faya-Picu Cutiellos-Picu Cutrifera-Les Campiñes-Tablao

DATOS BÁSICOS:
Tiempu total = 3h 28 min
Tiempu d'ascensu = 1h 44 min
Tiempu de descensu = 1h 25 min
Desnivel = +750 m

DESCRIPCIÓN:
Dexando el coche nel área recreativa de Tablao subimos pola carretera hasta, pasando una cuadra, garrar el camín empedráu que conduz al Pozu La Balanza. Aprovechamos pa desvianos hasta el sextu San Benigno donde ta la bocamina y el polvorín. Damos media vuelta y garramos otra vez el camín de subida. Llegaremos a un pequeñu descansu, donde hai que girar a la derecha y, en un puntu en que'l camín empieza a llanear, giramos a la izquierda por un senderu estrechu. Continuamos caminando, ensin desvianos y, na más pasar una cepa d'un árbol, garramos otru senderucu a la derecha que nos sube a la plazoleta de lo que fue el Pozu La Balanza, dexando la cuadra de la Escalladonga a la derecha.

Si giramos a la izquierda, diremos por una antigua trinchera onde podremos atopar varies ruines de edificios mineros (x2) y varies bocamines (x3). Cruzamos la plazoleta y, rodeámosla xunto a una sebe. Más allá, atoparemos les ruines de les oficines de La Balanza. Siguimos pol senderu, en ocasiones bastante cerráu, y llegaremos a una pequeña explaná, donde tenemos un miraor guapu en frente. Dempués, enllazamos con otra trinchera que, tras un zigzag, llévanos a un pequeñu mayáu. Tirando hacia la derecha llegaremos al Picu La Nariz. Tenei cuidao equí porque hay un trague, aunque ta señalizáu. Damos media vuelta y nos adentramos en el bosque que, siguiendo un senderu casi llanu, nos lleva a otru mayáu a mediu camín entre el Picu Cutiellos y el Picu Faya.

Seguimos derechos, siguiendo la pista, dempués senderu, hasta alcanzar el Picu Faya o Bustiello, desde onde hai unes buenes vistes del valle de Turón, valle de Aller, Sierra del Aramu, etc. Damos medios vuelta y siguimos pol camín en direición al Picu Cutrifera (o Pandoto). Tando perpendiculares al Picu Cutiellos, decidimos subir directos hacia su cumbre, onde hai un pequeñu jitu con morrillos. Damos la vuelta y siguimos rumbo al Cutrifera. Pue decise que equí comienza la parte más ''dura'' de la ruta (obviando el tramu de subida hasta La Balanza) porque paez que nunca se va llegar al picu. Entre medies, hay algún que otru miraor hacia la izquierda, dando unes buenes vistes de Polio.

Siguimos pol senderu que, tarde o temprano, llévanos hasta el Picu Cutrifera onde hai un horréu metálicu bien curiosu, puestu pol Grupu San Bernardo. Les vistes son tamién bones, de tolos cordales cercanos.

Baxamos pa la derecha y llegamos a un pequeñu mayáu onde comienza el senderu, bastante empináu, a la izquierda. Hai que baxar por el, sin prisa (había llovío bastante los díis previos y lóxicamente había munchu barru) atravesando el bosque de pinos. Lo más empináo acábase na má llegar a una pequeña escombreruca. A partir de equí, fáese más llano y suave. Más alantre topamos otru trague marcáu y, seguimos baxando hacia Les Campiñes. Atravesamos el prau y, subimos poles piedres de una muria valtá hasta enllazar cola pista. Siguimos por ella y baxamos poco a poco, en sin pérdida hasta llegar per enriba de Tablao.

Garramos una pista a la derecha y, siguimos por un senderu bastante cerráu que nos baxa rápido hasta el campu fútbol de la escombrera Tablao.

IMPORTANTE:
Tamos n'una zona carbonera que foi perproductiva. N'el camín hay dos tragues bien marcaos aunque ye fácil que haya dalgún más del que nun se tenga constancia. Tenei cuidao nun vos salgáis de los senderos que tan pisaos, nun vayáis caer en dalgún furacu. Tenei cuidau tamién al baxar pol bosque, porque el primur tramu ye muy pendiente y si ta embarrao, ye una pista patinaxe.