Teixadal de Casaio por La Cabrita e Lagoa do Penedo (non aconsellable por este trazado).

Ruta a uns lugares máxicos e grandiosos pero que, feita así, non é aconsellable polo que logo explicarei. Comezamos xunto á entrada dunha canteira (que por ser domingo estaba sen actividade), porén poderíase seguir cun coche normal ata un cruce que indico cun waipoint no retorno. Logo de atravesar por unha escombreira da canteira e de seguir un camiño, comeza a baixada cara ao teixadal pola aba do Alto de La Cabrilla. O descenso faise monte abaixo, seguindo uns paus e estantes de pedra, complicados de ver no medio das uces altas. Encontarmos, a media ladeira, un sendeiro aberto recentemente que logo descubrimos que podería levarnos (baixando en zig-zag por máis adiante) case a entrada do Teixadal. Parece indicado seguilo e evitar o resto de dura baixada. Déixoo marcado cun waipoint.
Xa na fraga de teixos, están marcados a choza refuxio dos guerrilleiros antifranquista e un carballo xigantesco (o de milenario habería que comprobalo). Subindo polo Teixadal, pódese contemplar a tenacidade destas árbores que se agarran á vida mesmo cando son derribadas ou partidas polos elementos.
Logo de saír do bosque de taxus, atopamos aínda outra choza e, máis arriba, crúzase o regueiro e aquí parte o carroucho que atoparamos na baixada. Aconsello seguilo e facer a volta por el e subir pola ladeira por onde baixaramos. Isto porque a partir de aquí é un traxecto longo por medio de monte alto, onde non hai sendeiros trazados, moi duro, empinado e mesmo perigoso en certos puntos. A certa altura, xa se pode ascender por terreo de penedos e pedregullo desprendido dos rochedos das cima. Incómo pero polo menos despexado de vexetación. Certamente este percorrido permite chegar ata a lagoa do Penedo (no momento da ruta, seca) pero non compensa a dureza e esforzo desta subida.
Dende a lagoa aínda queda un treito importante de forte subida ata o sendeiro que atravesa case no cima en dirección á Pena Trevinca. Esta subida tamén se fai monte a través, pero son uces baixas. Por ese sendeiro xa se retorna ata a ladeira de La Cabrilla onde comezaramos a baixar na ida.
O dito: o lugar é magnífico pero é preferible gozar del retornado por outros trazados.
Feita seguindo este track: https://gl.wikiloc.com/rutas-sendeirismo/teixadal-de-casaio-bosque-de-tejos-y-acebos-lagoa-do-penedo-26-05-13-y-09-04-17-4556044