Tenorio, O Castelo, Castro de Paraños, Foxo do Lobo e Cruz de Daniel
near Tenorio, Galicia (España)
Viewed 380 times, downloaded 8 times
Trail photos
Itinerary description
Partindo de Tenorio, a carón da biblioteca e da praza adicada a D. José Ramón Abal Varela, que foi o último alcalde do franquismo e o primeiro alcalde da democracia, que rexiu Cotobade durante décadas, continuamos ascendendo polo Mosteiro, para chegar ata o cumio do Monte Castelo, por un camiño recentemente desbrozado, coas súas casetas e os restos das fortificacións tapadas polas xestas, onde atopamos unhas fermosas covas debaixo dun grandes penedos, con formacións de coviñas no teito, algúnhas espectaculares. Dende o alto da caseta divisamos unha ampla panorámica do val do Lérez e da ría de Pontevedra. Continuamos por toda a chaira ata cruzar a estrada de San Xurxo a Carballedo e ascender ó Castro de Paraños, que está infestado de mimosas, que impiden unha visión global. Aínda así vislumbramos algúns restos das construccións orixinais. Despois voltamos polas brañas, asolagadas en inverno pero secas neste tempo, chegando ó foxo do lobo de Paraños, e voltando á pista principal, iniciamos o descenso hacia Tenorio, non sin antes contemplar a Cruz de Daniel, que parece ser foi feita por suscripción popular na honra dun pastor chamado Daniel que morreu de frio no monte, anque a historia deixa abertas algunhas incógnitas. Esta cruz que por fin atopamos, despois de varias tentativas, pensando por erro que estaría no alto dun coto ou nunha rocha elevada, pero en realidade atópase mesmo nun cruce de pistas forestais de cara o monte e nunha rocha bastante discreta, deixa máis preguntas ca respostas, cousa habitual nas nosas andainas.
Waypoints
You can add a comment or review this trail
Comments