Wikiloc | Tolosa- Hernialde eta Alkizako basoak - Hernialde

Download

Trail photos

Photo ofTolosa- Hernialde eta Alkizako basoak - Hernialde - Tolosa

Author

AnttonGarro

6,365 320 4273

See more trails from this author

Trail stats

Distance: 10.52 mi
Elevation gain: 2,982 ft
Technical difficulty: Moderate
Elevation loss: 2,982 ft
Max elevation: 2,880 ft
TrailRank: 49
Min elevation: 207 ft
Trail type: Loop

Coordinates: 2958
Uploaded: May 9, 2021
Recorded: May 2021

Be the first to clap

near Zuloaga, País Vasco (España)

Viewed 201 times, downloaded 12 times

Trail photos

Itinerary description

2021ko maiatzaren 9an egina.

5 ordu inguru behar izan ditut ibilbide hau egiteko. 9-etan abittu eta 14:10 aldera iritsi naiz bueltan.

Bidea, zati handi batean, Hernialde eta Alkizako basoetatik barrena egiten da. Gainerakoa, baserri eremuetatik. EDERRA!

Paseo lasai moduan egin nahi duenak ATAMIRE-ko tartea ez egitea gomendatuko nioke. Horrela, ibilbidea 4 ordu ingurukoa bihurtuko da.

Aipatutako zatia kenduta, gainerako bidea oso erraza da eta patxada handiz egiteko modukoa.

Beti izango dugu, gainera, Hernialdeko ostatuan atseden gozo bat hartzeko aukera.

OHAR TXIKI BAT: 9 bis eta 11 puntu tartea oso gogorra ez izan arren, otadi batetik barrena doa eta jakina da otea landareak ziztadak ematen dituela. Beraz, hankak eta besoak estalita egitea komeni da. Gainerakoan, tramo honetan bidea ondo zapalduta dauka ganaduak eta zuhaitz bakarti batera igo beharrak erreferentzia polita ematen digu.

Waypoints

01 - Tolosa

Arrameleko zubia gurutzatu eta Anoetara doan bidea hartuko dugu. Bidegorritik Hernialdeko Bentaraino joango gara, hau da, Hernialdeko bidegurutzeraino.

02 - Bidegurutzea, ezkerretara

Bidea aurrera jarraituta goiko bidegurutzeraino doan arren, guk laburbide hau hartuko dugu. pazientzia pixka batekin segituan iritsiko gara gora.

03 - Errepidetik, eskubitara

Errepide Lokala

04 - Ezkerretara, gurdibidetik

Olotzaga baserria pasa orduko, errepidea utzi eta ezkerretara abiatzen den gurdibidea hartu behar dugu.

05 - Ezkerretara, bidezidorretik

Lizarbakarra errekatik Ezkamendi baserri aldera doan bide zabala hartu eta metro gutxitara utzi behar dugu, ezkerretara abiatzen den bidezidorretik, Etxeolotzaga baserri bidea hartuta. Ura beharko bagenu, Ezkamendi bidean 40 bat metro aurrerago, iturri eder bat daukagu, bidetik pittin bat aterata goiko aldetik geratzen zaiguna.

06 - Eskubitara eta gora

Lau bideko gurutze honetan eskubitara eta gora hartu behar dugu. Aurrez aurre dauden ezkerreko bidetik errekara jaitsiko gara. Eskuinekotik, berriz, Hernialderako urak biltzen dituen depositora iritsiko gara.

07 - Ezkerretara, gora

hemen bide zabal batera iritsiko gara. Ezkerretara, gora.

08 - Gurdibidea hemen bukatzen da

Gurdibidea hemen bukatzen da. Bidezidor txikiak jarraitzen dute baina ez ginateke gora aldera ondo aterako eta basurdeen pare ibili behar, gainera. Pauso batzuk atzera egin eta basora bueltatuko gara.

09 - Basoan gora

Basoan gora egingo dugu Hernialdetik Mendikutera doan bidearekin bat egin arte. Basoa garbia dago eta zailtasun handirik gabe iritsiko gara.

Photo of09 bis - Hernialde - Mendikute bidea

09 bis - Hernialde - Mendikute bidea

Hernialde - Mendikute bidea. Guk pixka bat eskubitara hartuko dugu, Hernialde bidean, segituan ezkerretara gora hartzeko.

10 - Ezkerretratik, gora

Sarreran aipatu dudan bezala, Hernialdetik Mendikutera doan bidetik gora hartzen dugunean, bete-betean otadi batean sartuko gara eta puntu honetaraino, zaldi-behorrak oso ondo markatutako bidea jarraitu ahal izango dugu. Puntu honetan, ezkerretara hartu behar dugu, goran ikusiko dugun pinu bakarti batetarantz.

11 - ZUHAITZA

ZUHAITZA. Lehen aipatutako pini bakartia.

12 - MENDIGAIN

MENDIGAIN 667 m Menditontorra

13 - Eskubitara

Eskubitara hartuta Alkizako basoetan sartuko gara. Puntu honetan Lizarbakar eta Herniozabalera daramagun bidea utziko dugu.

14 - Ehizeko parada. Ezkerretara, gora

Ehizako parada. Ezkerretara, gora, basora sartuko gar eta hortik aurrera, aldapa pikoko zonalde karstiko batean sartuko gara. pazientzia handia hartu beharko dugu Atamirera iristeko.

15 - ATAMIRE

ATAMIRE - 882 m Tontorretik behera bide berdinetik jarraitu beharrean, ahalik eta harri gutxien eta belar gehien duen bidea aukeratu det. Aldapa piko xamarra duen arren, eroso samarra jaisteko. Lizarbakarrera doan bidera aterako gara.