TREKING POLO GEOPARQUE MONTAÑAS DO COUREL. RUTA DO OSO CAVERNARIO. Etapa 5: de SALCEDO (Pobra de Brollón) a VILAMOR (Courel)

TREKING POLO GEOPARQUE MONTAÑAS DO COUREL
RUTA DO OSO CAVERNARIO
DO CAMIÑO DE SANTIAGO POLO LOR AO SIL E VOLTA POLOS VALES DO POÑENTE

Que mellor área xeográfica natural en Galicia que a Serra do Courel para facer un treking. É o único espazo natural galego coa categoría de geoparque e como tal foi recoñecido pola UNESCO no 2019. Neste geoparque deseñamos a ruta do Oso Cavernario que consta de sete etapas das que a segunda, a terceira e a metade da cuarta corresponden coa antiga Baixada do Lor, ruta que historicamente une O Cebreiro, nos altos da Serra de Rañadoiro, polo que decorre a parte de máis altitude do Camiño de Santiago ata a desembocadura do Lor no Sil en Augasmestas (Quiroga). A segunda parte da cuarta etapa e as tres últimas consisten en subir polo Courel do Poñente percorrendo en parte bacías do Loureiro e do Lóuzara, ámbolos dous afluentes do Lor. Para a primeira etapa danse dúas alternativas diferentes, a primeira que vai ao encontro do Lor por Esperante e que ten uns 4 quilometros de estrada, e a segunda por Noceda e a mina da Toca.
O nome da ruta “Oso Cavernario” ven de que o Courel foi poboado por osos dende hai moitos milenios e como proba están a cantidade de osamentas de oso cavernario atopadas nas covas do Courel, moitas sitas a vista de paxaro de onde discorre a ruta.

Etapa ORIGEN DESTINO SEGUNDO orux maps
DISTANCIA DESNIVEL + DESNIVEL -

1A por Esperante Hospital da Condesa Seoane do Courel 18,71 km 437 m 1041 m
1A por A Toca Hospital da Condesa Seoane do Courel 17,7 km 620 m 1224 m
2 Seoane do Courel Froxán 22,51 km 699 m 872 m
3 Froxán Conceado do Lor 18,29 km 540 m 737 m
4 Conceado de Lor Vilachá de Salvadur 16,54 km 633 m 430 m
5 Salcedo Vilamor 15,63 km 650 m 607 m
6 A Pendella Paderne 22,17 km 1180 m 693 m
7 Paderne Hospital da Condesa 21,49 km 1130 m 790 m
TOTAL 135,34 km 5269 m 5170 m

Etapa 5: de SALCEDO (Pobra de Brollón) a VILAMOR (Courel)

Nesta camiñada imos ir do Courel do Poñente ao Courel tradicional a traveso de valgadas, fragas, aldeas recónditas e costentos tesos. Para elo seguiremos a bacía alta do Loureiro, o afluente máis longo do Lor, para logo cruzar os altos da Serra da Trapa e chegar á conca do Lor. Pasaremos e coñeceremos unha das máis xenuínas e ben conservadas altas aldeas do Courel como é Mazo Santigoso.
Saíremos de Salcedo xusto a carón da fonte sita preto do museo antropolóxico. Por camiños tradicionais chegaremos a aldea de Domiz onde comezaremos unha prolongada baixada cara o río Loureiro. Chegaremos os edificios da ferrería de Loureiro que conta cunha espectacular fábrica e cunha chusca egrexia cun característico furado circular pétreo. Cruzarémolo río, por unha pontella. Seguemos polo seu afluente, o río do Mazo, ata un miradoiro en alto sobre a devesa. Ao pouco aparecen as cabanas do Mazo, un conxunto dunhas 20 cabanas das que a metade son sequeiros e que se empolican sobre a ladeira da montaña. Chegamos logo a aldea de Mazo Santigoso. Este casarello é moi cuco, estando ben conservado. Nunha das casa vivía ata hai non moito un gaiteiro que nos lembraba que O Courel é terra de músicos. Uns camiños antigos de chan granítico, coas rodeiras dos carros, comunica coa aldea de Parada de Montes, máis nos desviarémonos antes pola Ponteciña que atravesa o rego de Lombán. Unha subida intensa nos leva a unha golada entre os montes da Trapa. So queda unha continua baixada e estarmos en Vilamor.

DATOS DE INTERESE.
En Vilamor Casa Comerciante (Tf: 982 155100) ofrece aloxamento e mantenza. Tamén alí reside Carlos un dos taxistas do Courel (por se se necesita, tf: 655862587)