Tres techos de conceyos d'Asturies y un vistosu piquín: 4 Xueces(Xixón), Cima(Sariegu), Fariu o Gavio(Siero) y Peña Careses

Camín de La Viona (Cerca la cueva San Pedrín) - Camín de La Piñera - Miares - Camín de La Santín (A Santa María de Narzana) - Ilesia de Sta, Mª de Narzana - Camín de la Quintana de Baxo - Villar - P.R. AS-197(Ruta de las Cercanías del Cielo) - Esvíu izquierda hacia colláu Fumarea (Dexando'l P.R. AS-197) - Colláu Fumarea - Peña Cuatro Xueces - Cerru Cima - Área recreativa Loma de Siero - Cerru Fariu - P.R. AS 161(Les Casuques Picu Fariu) - La Collatrás - P.R. AS 216 (El Camín de Careses) - Tunel de Careses o de La Viona (Al llau) - Senderu que va bordiando y subiendo pela lladera SO de la xerrina Careses - Subida pente la broza y con muncha dificultá en direición SE a Peña Careses - Peña Careses - Siguir cresteríu hacia l'este y baxar per unos praos con direición Norte - Carretera La Collá (Na Rimá) - Carretera Castru Fumarea( AS 331 (Na Rimá) - Castañera - Camín de La Viona (Aparcamientu).

Pue paecer estraño la calificación de difícil d'un percorríu nel que la mayor altitú son 736 m. N'efeutu, la escursión "bien fecha" nun tien nenguna dificultá. El problema foi la subida a Peña Careses per un camín imposible. Broza, sobre too cotollales de más d'un metru d'altura que faen casi imposible'l pasu; otros más baxos pero que xunto a otres plantes monteses nun dexen ver los abondos furacos de la caliza...Unos 500 metros de subida que pol esfurciu que costó van ser difíciles d'olvidar.
Por embargu si se fae per onde la baxada, dir y venir, sería perfácil. Pémeque hai que siguir el senderu que trescurre pel contornu la xerrina y que nosotros, por inorancia, abandonamos nel km 15,7.D'esta manera pue llegase a los praos situaos al norte'l picu y dende ehí sin nengún problema subir a la vistosa talaya que ye la Peña Careses. Esi foi'l camín de baxada.
Nun aconseyo a naide que siga el track d'esa parte'l percorríu. Son 500 metros que de xuru nunca escaeceré.
Insisto: hai que siguir el caleyu del contornu la peña hasta llegar a los praos per onde baxamos...

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneramente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.