Txulato Zabalate/Portillatik

Portillako gazteluaren hondarrak

Herritik abiatu eta minutu gutxiren bueltan Portillako gaztelu hondarretara iristen da bidea. Antza denez gaur egun ikus daitezkeen eraikin hondarrak 1.000.urte inguruan bertan eraiki zen herrixka batenak dira. Herrixka hau aurretik erromatarrek eginiko asentamendu baten gainean eraiki zen. Bertan dauden kareharrizko horma naturalak defentsarako oso egokiak ziren, ondorioz defensa natural hori harresi eta gaztelu batekin batera babesgune ezin hobea izan ziren hainbat urteetan Nafarroako erresumaren baitan Bildu zen herri honentzat. Behin Erdi Aroko herrixkaren hondarren parera iristean, hauek zeharkatzen dituen pistan beheruntz joan behar da.

Bidegurutzea

Aldapan gora eginez bidegurutze hau aurkitzen da punturik altuenean. Puntu honetan eskuinetara jo behar da zig-zag zabal bat eginez pista zabalean zehar aldapan behera jeisteko.

Bidegurutzea

Hemen eskuinetara jo behar da pista zabalean zehar jarraituz malda gutxiko aldapan behera bidearen ezkerretara geratzen den pinutegi baten albotik igaroz.

Txulatoko gailurrerako bidegurutzea

Bidegurutzean ezkerretara hartu behar da eta hemen ibilbide osoko zatirik maldatsu eta gogorrena igo behar da. Bidea cortafuegos itxurako batetatik gora doa lur gorri eta harri kozkor artean. Bide zuzen eta maldatsu hau igo ostean landaretza nahiko itxia duen lepo batetara garamatza bideak. Lepo honetan mendiaren hego isurialdera gurutzatu eta hortik Txulatoko gailurra ikus daiteke metro gutxira.

Iturriaren bidegurutzea

Pista honetan aldapan behera eginez punturik bajuenera iristean bidegurutze berri bat dago, bertan eskuinetara iturri bat dago eta aurrez aurre guk jarraitu beharreko pistak malda esanguratsua hartzen du. Hemen Portillako gaztelua eskuinetara geratzen da (bidean aurrera egin ahala pixkanaka atzean uzten joango garena) eta ezkerretaraTrebiñoko lurrak ikusi ditzakegu eta gugandik oso gertu arreta deitzen duen horma bertikal eta oso fin bat ere.

Portillako gaztelua