UDALA-UDALAITZ-GALARRAGA-UDALA
near Udala, País Vasco (España)
Viewed 71 times, downloaded 4 times
Trail photos
Itinerary description
Waypoints
BIDEGURUTZEA (ERNE)
Bidegurutze honetan PR Gi 96 bidea lagako dugu eta bidetzurra hartuko dugu Pozutxueta aldera.
BIDEGURUTZEA (ERNE!)
Bidetzurrak esaten badigu nondik nora joan behar gara, kontuz ez desorientatzeko bidegurutze honetan.
UDALAITZ
Seinaleak adierazten digu gora jo behar dugula. Dagoeneko antzematen dira Udalaitzek dauzkan gain ezberdinak. Bidea egiten joango gara eta halako batean bide askorekin bat egingo dugu. Aukeratu erosoena.
ERDIKO AXPUNTA
Udalaitzek duen gain ezagunetakoa, batez ere Elorrio aldera duen ikuspegiagatik. Bidetzurrak daude hainbatetan norabidea nahasteko. Beraz, lasai hartu eta ondo begiratu nondik den batzuetan bidea. Seinaleak ere (ugari eta kolore ezberdinetakoak) aurkituko dituzu.
UDALATXEKO KOBAZULOA
Ezkutatoki ona mendiko abereentzat eta behatoki aparta argazki ederrak ateratzeko. Gertu dugu gaina; baita oso aldapatsua ere. Beraz, lasai hartu.
UDALATX (1117)
Udalaitzen gaude. Begiratoki aparta. Egin beharrekoak eginda kontuz ibili jatsieran, batez ere bustita badago. Helburua Udalaitzeko gurutzera joatea da.
IGOKUNDEKO ERMITA
Igokundeko baseliza zen, eta mendetan eremita eta lekaideak babestu zituen bere orma artean. Baselizako oinarriak 20x6 metro karratu zituen eta ormak metro ingurukoak ziren. XVIII. mendera arte elizkizunak bertako eremitaren ala Udala, Garagartza edo Gesalibar auzoetako abadearen ardura ziren. Urtero, Izpiritu Santuaren Pazkoan erromeria egiten zuten eliztarrek goraino, eta 1713an utzi zion ohiturari bide latza eta beste eragozpenengatik. Azkenik 1771an, baselizaren egoera txar eta ezegokia zela eta, atea itxi zen elizkizunetara. Handik aurrera, hondamena etorriko zen (Velez dde Mendizabal). Gurutzera goaz.
GURUTZEA
Udalaitzeko gurutzeko behatokia da azpimarratzekoa, Leintz bailara eta Durangaldeko mendi katearena. Ondoren behera joko dugu, belarren artean, baina laster batean ezker aldera joko dugu Kanpatzar aldera jaisteko.
BIDEGURUTZEA (ERNE!)
Ez da oso ondo antzematen hartu beharreko bidea. Beraz, erne! Batzuetan harripilaren bat egon liteke bertan. Gotik beherako bidea hartuko dugu lasai. Hasteko bidetzur hestua da, gero gehiago zabalduko dena, baina ez da mendizaleak edo jendeak erabiltzen duen igoera. Beraz, kontuz jaitsi.
ARTADIA
Behatoki ederra Udalaitzen plano berriaz disfrutatzeko. Bide batez baita artadi ederraz ere. Hemendik, zirt-zart batean, eta artadi ederra zeharkatuz, Kanpatzar gaineko harrobiraino jaitsiko gara.
HARROBIA
Udalaizera 2,2 km. eta 700 metro desnibela. Gu geu goitik behera hasiko gara GR 289 seinaleak jarraituz.
ERREPIDEA
Udala auzora goaz GR 121-289 jarraituz. Lasai hartu, beste 180 bat metroko desnibela gainditu behar dugulako, Galarraga haitzuloetatik pasatuz.
GALARRAGAKO KOBA ETA MEATOKIA
Isabel II erreginaren bisita zela eta, marmolezko oroitarri bat jarri zen haren omenez, eta irakurri daiteke: “Isabel II y su augusta madre Doña María Cristina, 21 de agosto de 1845. La Serma. Infanta Doña María Luisa Fernanda, 28 de agosto de 1845”. Oroitarri hori kobaren barrenean dago. Gora jarraitzen dugu, Udala auzora.
KAROBIA (LABEA)
Minerala garbitzeko labea. Buzkatu dugu igoera. Poliki-poliki, artadien artetik, Udala auzora jaisten hasiko gara.
GR 121
Kontuz, azken 50 metroak zikinak egon daitezkeelako eta etxe artean egiten delako.
UDALA AUZOA (JATETXEAK)
Bide asko baldin badaude Udalaitzera igotzeko, hemendik egiten da igoera klasikoa. Orain asfaltatutako errepidea hartuko dugu Udala auzoaren elizaraino.
UDALA AUZOA
Eliza eta Udalako ingurugiro-zentroa. Ikuspegia, berriz, ikusgarria. Erabili tartetxo bat auzoaz disfrutatzeko.
You can add a comment or review this trail
Comments