Un caos de bólos
near Leiro Grande, Galicia (España)
Viewed 819 times, downloaded 21 times
Trail photos
Itinerary description
Un caos granítico de bólos ten a súa orixe nun desprendemento de bloques de masa pétrea que pola acción da erosión climatolóxica son illados do substrato común e sometidos a un desgaste que lle da estrañas formas, chegando en casos a amontoarse uns sobre os outros (rochas cabaleiras). Moitas destas grandes bólas de tamaño ciclópeo, pola súa singular fasquía, chegan a recibir nome propio e mesmo ser orixe de lendas.
Pena Corneira, por cuxas abas que verten a Leiro vai o noso roteiro, é un amplo macizo de gran singularidade cunha representación de bólos exemplo da meteorización ao longo dos tempos e onde sobrancea o coñecido penedo vertical de dez metros de altura (que non está na nosa ruta).
A camiñada non terá só interese xeolóxico e así poderemos mergullarnos en vizosas carballeiras, pasar por algúns pardiñeiros coas súas ruínas de antigas casas de pedra, ver unha eira cun bo número de hórreos en Paredes, a igrexa de San Breixo de Berán (do século XVIII en estilo barroco) e a de San Miguel de Lebosende (románica), ollar as vellas residencias señoriais da Casa da Torre e o escangallado Pazo de Cima de Vila ou facer un pequeno repouso nas áreas de lecer e praias fluviais do río Avia pasando por riba da Ponte das Poldras.
Pena Corneira, por cuxas abas que verten a Leiro vai o noso roteiro, é un amplo macizo de gran singularidade cunha representación de bólos exemplo da meteorización ao longo dos tempos e onde sobrancea o coñecido penedo vertical de dez metros de altura (que non está na nosa ruta).
A camiñada non terá só interese xeolóxico e así poderemos mergullarnos en vizosas carballeiras, pasar por algúns pardiñeiros coas súas ruínas de antigas casas de pedra, ver unha eira cun bo número de hórreos en Paredes, a igrexa de San Breixo de Berán (do século XVIII en estilo barroco) e a de San Miguel de Lebosende (románica), ollar as vellas residencias señoriais da Casa da Torre e o escangallado Pazo de Cima de Vila ou facer un pequeno repouso nas áreas de lecer e praias fluviais do río Avia pasando por riba da Ponte das Poldras.
Waypoints
You can add a comment or review this trail
Comments