Undués Lerda - Ilunberri 2018-03-18
near Undués de Lerda, Aragón (España)
Viewed 721 times, downloaded 2 times
Trail photos
Itinerary description
Eguraldia oso kaskarra izan arren animatu egin gara hogeita bi kilometro inguruko ibilbidea burutzen, hori bai kapak eta aterkiak zenbait orduz paratu behar izan ditugu.
Ibilbidea eta altimetria.
Autobusak Undués de Lerdaraino eraman gaitu eta gaurko txangoa aurrekoa bukatu genuen leku beretik abiatuko da. Traste guztiak jarri eta ibiltzen hasi aurretik, eguzkiak bere izpiekin berotu egiten gaituenez, taldeko argazki batzuk egitea erabakitzen dugu, bada ez bada, iragarpenak arras txarrak dira eta.
Undues herriko zenbait etxe dotore ikusteko beta izango dugu donajakue bidearen aurren zati honetan zehar. Ertaroko aztarnak dituzten batzuk ikusgai izango ditugularik.
Herriko beheko zatian pista batetara pasako gara eta poliki poliki beheranzko bidea hartuko dugu, CV 684 errepideak daraman norantza antzeko batekin. Aurrerago errepidearekin topatu arte.
Segituan aurren bidegurutzea izango dugu, oraingoan ezkerreko aldeko bidexka batetara pasatuz, pistaren zati bat aurrezteko asmoz.
Beherago udako idorteak pairatzen duen errekatxo batetara hurbilduz, egia da gaurkoan ura nahikoa eramaten duela. Pistara berriz iritsi eta ezkerretik jarraitu beharko dugu. Arraroa bada ere zati honetan ez dago ikur gehiegirik eta beraz tentuz ibili behar da bide ez galtzeko.
Zati honetan errepidetik gertu ibiliko gara. Aurrerago aldiz errepidearekin topatu eta zeharkatu beharko dugu pista batetik jarraitzeko.
Pista honetatik Aragoi eta Nafarroako eskualdeen arteko mugara iritsiko gara. Aragoiko zatian ohol baten bitartez markaturik dagoen bitartean, Nafarroa mugarri batekin adierazita dagoelarik.
Apur bar aurrerago bertze bidegurutze bat dugu, oraingoan zuzen jarritu beharko dugu Arbea baserri edo korralizara eramaten duen asfaltaturiko pista batekin elkartu arte.
Zuzen jarraituko dugu pista hobeago batetatik, eta lokatsarik ez izatea estimatuko dugu gaurko eguraldiarekin.
Aurrerago gure eskuinera menditxo bat ikusgai izango dugu. Bertan erromatar garaiko jatorrizko herri eta ertaroan ustutakoa izango dugularik. Herri honen izena Ull omen zen.
"Antiguo lugar navarro situado entre los caminos que desde Sangüesa llevan a Undúes y a Javier. Altozano conocido en época medieval como Puy d'Ull. En su base se han hallado restos cerámicos romanos de sigillata barnizados y con decoraciones en círculos y puntas de flecha, datables entre los ss. II y IV de nuestra era. En lo alto del cerro, cerámicas medievales atestiguan el traslado de la población en tiempos de inseguridad, figurando en el Fuero de Sangësa como Ul juxta Sangossa y Ul prop Sangossa. De su iglesia, dedicada a San Bartolomé, consta la reedificación efectuada en 1052 por Jimeno Galíndez; en 1085 el rey Sancho Ramírez la donó al monasterio de Leire. En 1117 Alfonso el Batallador concedió a los repobladores de Sangüesa los pastos de Ull y de Peña. Despoblado en el siglo XIV y trasladada su gente a Sangüesa, subsistió la iglesia como ermita perteneciente al municipio sangüesino".
Pistatik jarraitu eta aurrerago ezker aldetik abiatzen den pista batetara pasako gara. Honek Zangotzara hubilduko gaitu.
GEHIAGO IRAKURTZEKO: http://mendikosterak.blogspot.com.es/2018/03/undues-de-lerda-ilunberri.html
Waypoints
Arroilaren aparkalekua
Ilunberritik sarturik arroilaren aurretik dagoen aparkalekua. Ezer gutxi ordaindu behar da eta honela eskaintzen diren zerbitzuez gain arroila garbia mantentzeko aukera dago.
Arroilaren hasiera
Ilunberriko arroilaren hasiera. Errepidea bertan bukatu egiten da.
GurutzeBIDE01 Ezker
Herria pista betetatik utziko dugu eta puntu honetan laburtzeko ezkerretik abiatzen den bidexkara pasako gara.
GurutzeBIDE03 Ezker
Bidegurutze honetan ere ezkerreko pistatik jarraitu behar da.
GurutzeBIDE04 Zuzen
Errepidea gurutzatu behar da Donajakue bidea pistatik jarraitzeko.
GurutzeBIDE05 Zuzen
Nafarrora sartu bezain pronto bidegurutze honekin topatuko gara. Zuzen jarraitu pistatik.
GurutzeBIDE06 Zuzen
Asfaltaturiko pista baten bukaerara iritsi eta zuzen zeharkatu beharko dugu pista hobeago batetara pasatzeko. Gurutzatuko dugun pista Arbea baserri edo korralizara darama.
GurutzeBIDE08 Eskuin
Errepidetxo batekin topatuko gara eta oraingoan eskuin aldetik jarraitu beharko dugu.
GurutzeBIDE10 Eskuin
Zubia igaro eta eskuinetik, errepidetik jarraitu behar dugu.
GurutzeBIDE11 Zuzen
Kontuz puntu honetan. Donajakue bideak ezkerretik jarraitzen du, Rokaforte herrira iristeko baina gure kasuan Liedenara iristeko asmoz, errepidetik zuzen jarraitu beharko dugu. Hortaz bidearen aldagai bat da burutuko duguna.
GurutzeBIDE12 Ezker
Zubia igaro eta aurreneko karrikatik ezkerretara egin behar dugu Iratiren bidera iristeko.
GurutzeBIDE13 Ezker
Pistaren bueltatzo bat ekiditeko asmoz, puntu honetan ezkerretik zuhaitzak dauden zelai batera irtengo gara
GurutzeBIDE14 Ezker
Berriz ere pistara atera eta ezkerretatik Irati trenaren bidea jarraitu.
MUGA taula
Aragoi eta Nafarroaren arteko mugan bi ikur topatuko ditugu. Aragoiko aldean ohol batean informazioa eta Nafarrokoan aldiz mugarri bat.
Ostatua
Liedenako ostatu handia da. Ogitarteko bat hartzeko beta eskaintzen duena.
SAN SALVADOR
San Salvador eliza erromanikoa. Aterpe ederra du XVI. mendean eraikia.
Santa María
Santa Maria la Real eliza. Eraikin honen ataria penintsulako erromaniko eskultura hoberenetarikoak biltzen ditu.
Tunela 01
Arroilaren bukaeran, gure kasuan topatuko dugun aurren tunela. Luzeena da eta argia eramatea gomendagarria da. Hala ere argirik gabe zeharka daiteke.
Tunela 02
Ilunberriko arroilara sartzeko, gure kasuan irteteko tunela da hau. Aurrekoa baina laburragoa da eta argirik gabe arazorik gabe zeharkatu daiteke.
Undués de Lerda
Undués de Lerda herria. Bertan dugu hasiera eta herriko karriketan zenbait etxe dotore bisitatzeko aukera ere.
You can add a comment or review this trail
Comments