URKIOLA - LARRANO - KURUTZETA - ELGOIN - URKIOLA.

URKIOLA.........................................0 Km...................................740 m.
ASUNTZE......................................3,2........................................880
LARRANO.....................................4,2........................................965
KURUTZETA.................................5,2.......................................1214
ELGOIN........................................5,5.......................................1243
KANALA...............................5,8 - 6,5 ...........................1200 - 1000

Urkiolako aparkalekuan hasi eta Anbotorantza doan pistatik Asuntzeraino. Aterpetxoa atzean utzirik, zutoin baten bidez markatuta dagoen desbideraketan Larranoko zidorrari jarraituko diogu. Mendi lepora heldu bezain laster gure aurrean Durangaldeko bailara eta inguruan txabolaren bat eta Santa Barbara baseliza.
Hortik aurrera , eskumatara eta gorantza beti, lehenengo harkaitzak, aldapak eta harriek moteltzen dute gure martxa, bide argirik ez dagoenez gure zentzua erabili behar dugu lekurik seguruenetatik aurrera egiteko.
Heldu gara Kurutzetara eta aldamenean Elgoin dugu, hurrengo tontorra. Harkaitzez inguratuta, beste hamabi minutu behar ditugu bigarren helburu hau betetzeko.
Saien erresuma honetatik jaisteko, Asuntzera zuzen doan kanala erabiliko dugu, aldapatsua, gure belaunak protesta egiten hasi dira.
Asuntzen, Pol-pol iturria dugu zintzurra freskatzeko. Hortik hiru kilometrora Urkiolan utzi dugun kotxea eta atsedena.