Val do Tórdea.( Castroverde)
near Pereiramá, Galicia (España)
Viewed 211 times, downloaded 0 times
Trail photos
Itinerary description
Amosa outros bens patrimoniais como muíños, tres sarcófagos medievais, igrexas románicas, fontes tradicionais e pazos e enormes caseríos.
O percorrido vai na meirande parte por camiños agrícolas e tradicionais e ten algo de asfalto pero pouco, por estradas locais sen circulación, no medio de carballeiras.
A ruta está perfectamente sinalizada pero...hai algún pequeno tramo que case é intransitable pola maleza ( ortigas sobre todo, silvas...) e tiven problemas tamén nun camiño con moitísima lama polo paso de tractores xa que te afundías ata os xeonllos. Puiden pasar polo lado con dificultades. Tamén hai algún outro tramo que estará complicado en época de chuvias.
Pareceume unha ruta espectacular, super ben sinalizada pero con tramos que deberían estar máis coidados.
Waypoints
Fonte da Bica
Lenda: Cóntase que había na casa de Neira unha vella chamada Marica que tiña por costume ir buscar auga a esta fonte. Un día cando ía coa súa sella por auga atopou ao pé da fonte un año estarricado enfouzado de lama e morto de frío. Marica colleuno e levouno no colo para a súa casa. Ao calor do lume da lareira, o año foise espelindo, empezou a dar voltas sobre sí mesmo e fuxíu pola cheminea dicindo: Jujurujú, jujurujú, Marica de Neira quentoume o cu.
Espasande
Aldea de Espasande, única entidade de poboación da parroquia. Aínda non ten 70 habitantes.
Goi
Santa Mª Madalena de Goi é unha das parroquias máis pequenas de Castroverde. Aínda non ten 40 habitantes.
Carballo de Goi
"De idade avanzada e impresionante porte" di no cartel que está ao pé.
Igrexa de Santa Mª de Goi
Foi erixida sobre un prehistórico castro que conserva indicios de ter sido unha gran fortaleza. A igrexa é sinxela e dos séculos XVIII e XIX.
Sartegos medievais
Ao pé da igrexa hai tres sartegos que semellan corresponder a dous adultos e au neno/a e están datados entre os séculos IX e XII
Fonte da Torre
Unha fonte restaurada como poucas vin, moi grande con 5 canos, lavadoiro... en granito e lousa...unha fonte que non merece ter un acceso tan abandonado!!
Igrexa de Tórdea
É probablemente de orixe prerrománico (Séculos VIII-X) e consérvanse algúns elementos desta época. A igrexa actual é froito das restauracións realizadas entre os séculos X-XVI
Igrexa de Santa Mª de Uriz
De estilo románico tardío e ten unha ábside semicircular e sinxelos canzorros.
Pazo de Cellán
Claro exemplo do barroco do S. XVIII. Ten planta en forma de L e unha torre de tres pisos. Na impoñente fachada principal ten dous maxestuosos escudos.
Fonte do Ouro
"Foi restaurada no 2020 polo concello en colaboración do veciño Guillermo Piñeiro Fernández, da Casa de Tamaredo que aos seus 89 anos fixo memoria de como estaba a fonte e a súa contorna cando el era neno. Recoñecendo cada pedra que aparecía, moitas delas levaban máis de 60 anos enterradas na lama..."
Vella igrexa de S. Pedro
Edificada sobre un pequeno outeiro e que foi abandonada no último terzo do S.XX ao construirse unha nova igrexa. Alberga vestixios dun pequeno mosteiro que existíu neste lugar no S. XII
Igrexa de A Pumarega
Mestura diferentes estilos como románico, renacentista, neoclásico e barroco.
Igrexa de Cellán de Calvos
É de sólidos muros de granito e debe haber tempo que aí non hai celebración ningunha, xa que o entorno á mesma aparece bastante descoidado.
Igrexa de S. Xulián de Pereiramá.
É de tradición románica pero de construcción posterior.
You can add a comment or review this trail
Comments