Val Glaciar de Manzaneda 05-03-2023

A Estación de Montaña de Cabeza de Manzaneda, ademais de ser a única estación
invernal de Galicia, ofrécenos tamén un espectacular e interesante entorno natural
para gozar da práctica do montañismo.
Partindo da base inferior da estación, iniciamos o camiño por pista cómoda entre
enormes piñeiros silvestres que se elevan sobre un chan tapizado de arandos ata chegar a área recreativa de A Corgavella (km 2,51). A medida que imos gañando suavemente altitude, comezamos a gozar dunhas impresionantes panorámicas sobre a propia estación, os vales do Sil e o Bibei, e as principais serras orientais galegas e as veciñas do Bierzo e Sanabria.
Desviámonos un intre ata o miradoiro natural do Penedo dos Lobos onde por mor da meteoroloxia, as vistas non forn as desexadasimpedindo ver con claridade a panorámica e,
as espectaculares vistas do Macizo de Trevinca, distinguindose claramente os picos de
Pena Surbia, Pena Negra e Pena Trevinca; Sanabria, co Moncalvo e As Tres Marías; a
Serra do Courel, Serra da Lastra, Ancares e incluso os Montes Aquilianos xa no Bierzo.
As pegadas do glaciarismo están presentes ao longo de todo o percorrido e
comezamos a camiñar entre enormes bloques erráticos (km 3,83), arrancados da súa orixe e
depositados monte abaixo tras o retroceso dos glaciares no fin da última glaciación.
Seguindo en ascenso cara ao sur (km 10,29) divisamos os vales glaciares de Prada e As Aguilladas, testemuñas da intensa actividade glaciar no pasado con esas paredes limadas pola
abrasión do xeo e as morrenas que salpican as súas ladeiras.
A actividade gandeira é importante na zona e, a día de hoxe, son de grande utilidade
os curros como o de Forxo o cal alcanzamos despois dos 7,87 km, o cal teremos ocasión de ver, sempre construídos contra paredes rochosas ao abrigo dos fríos ventos do norte e os dominantes do oeste.
Tras un tramo moi entretido de sendeiro de montaña chegamos ao cruce que en ascenso leva á Cabeza Grande de Manzaneda, teito de Serra de Queixa e o Macizo Central de Ourense, cos
seus 1.781 metros de altitude, pero debido a gran cantidade de neve que estaba a caer, considerouse mais prudente seguir o camiño de enfrente que se dirixe directamente ata o parking da estación invernal.