Villamer-Bocamina La Raíz-Túnel de La Boqueriza-Bocamina La Esperanza-Villamer

DATOS BÁSICOS:
Tiempu total = 2h 52 min
Tiempu d'ascensu = 0h 31 min
Tiempu de descensu = 0h 31 min
Desnivel = +233 m

DESCRIPCIÓN:
Dexamos el coche a la entrá de Villamer, atravesmos el pueblu y garramos la pista que nos subiría al Llosoriu. Tras dar una horquilla cerrá, superamos el repechu y garramos la trinchera, dexando una antenuca a la nuesa derecha. Sin mayor pérdida, vamos caminando apartando algún qu'otru felechu y sorteando algún qu'otru barrizal medio encharcau.

Un buen cachu más allá, llegamos a un poco bosque. Seguimos y a la derecha topamos la Bocamina La Raíz de Hulleres de Riosa. Seguimos pola trinchera y, na más que desapaez el bosque, tenemos una curva bastante pronunciá a la izquierda. Seguimos pol camín, sin dexalu, y llegaremos a una zona algo más boscosa. Tenemos una pista que sube parriba, hacia el Colláu Pando, la trinchera que sigue de frente (al túnel de La Boqueriza) y un caminucu, que tenemos que siguir, que nos lleva varios pisos per debaxo hasta onde ta la Bocamina Esperanza, tamién de Hulleres de Riosa.

Baxamos pol camín, atravesamos un buen tramu de bosque de castaños y robles. Llegamos a una pequeña explaná dende onde sal otra trincheruca, que tenemos que siguir hasta llegar a la cabecera del planu, pol que baxaremos hasta el pisu de la Bocamina La Esperanza, onde hay un área recreativa.

Al fondu, a la derecha, podemos garrar un caminucu que nos lleva hasta Lugar de Riba. Garrámoslu y atopamos un polvorín de la mina.

Continuamos pola trinchera y atravesamos otru trozu de bosque perguapu. Más allá, damos una curva a la izquierda y llegamos a un mirador llevantáu sobre la cabecera de otru planu inclináu que baxaba hasta el Pozu Monsacro.

En sin desvianos, seguimos pola trinchera y, toparemos una bocamina a la izquierda, y un pequeñu tunelucu del ferrocarril. Más allá, acabarase la trinchera, baxaremos un poco y, terminamos por llegar de nuevo a Villamer.

Rita recomendable, aunque en función de la temporá en que se faiga, la trinchera superior tará más o menos cerrá. El descensu desde La Boqueriza a la plazoleta de La Esperanza se camina bien, nun paez que se vaya a cerrar pronto. La trinchera inferior, taba tecién desbrozá, al ser una "ruta oficial".