Xacebáns ao Outeiro de Pena Gache (Penagache). Quintela de Leirado
near Jacébanes, Galicia (España)
Viewed 306 times, downloaded 4 times
Trail photos
Itinerary description
Ruta moi recomendable nun entorno ben fermoso. Feita seguindo esta: https://gl.wikiloc.com/rutas-sendeirismo/roteiro-de-penagache-3320825#comment_2208150 aínda que con modificación, como logo comento.
Comeza na aldea de Xacebáns, na que podemos atopar o contraste entre fermosos elementos arquitectónicos tradicionais e outros "modernos". Na praza hai lugar onde estacionar. Xa dende aquí podemos seguir os abundantes indicadores da ruta que sobe ao "Miradoiro", que non é outro que o curuto do Outeiro da Pena Gache ou Penagache, como simplificou a toponimia españolista. A subida é constante e regular dende o comezo. Descorre por unha pista limpa e consonte ascende vainos dando fermosas vistas dunha ampla contorna que pode chegar, seica, en días claros ata ver os tesos do Courel. No cume do Pena Gache hai unhas penas graníticas (coroadas pola inevitable e apropiadora cruz) onde tamén atoparemos o tópico "mellor banco" que, neste caso, parece merecer tal título. As vistas dende aquí son magníficas.
Voltando á pista de subida proseguimos en dirección ao Alto da Portela de Pau ata chegar ao marco 21 de fronteira, momento no que xiramos cara a esquerda a través do planalto. Aquí aínda podemos atopar un dos tantos túmulos funerarios, as mámoas ou motas, É doado atopar tamén gando solto coma as fermosas vacas cachenas.
Nesta ocasión, no tempo de comezar a baixada derramouse o tempo meteorolóxico, subindo a néboa e botándose a chover, polo que acurtamos o percorrido, quedando se poder contemplar as vistas dende o Coto do Castelo e demais. Outra vez será...
Parte desta variación vai por camiños non tan limpos pero transitables. Paulatinamente entramos en zona de touzas e camiño moi ben rozado ata chegar ao punto de comezo/fin.
Non é unha ruta difícil para quen estea afeit@ a camiñar por montaña. Ten un considerable desnivel pero sóbese de xeito progresivo. Bos camiños en xeral.
A parte alta é descuberta polo que hai que considerar a climatoloxía para transitala.
Comeza na aldea de Xacebáns, na que podemos atopar o contraste entre fermosos elementos arquitectónicos tradicionais e outros "modernos". Na praza hai lugar onde estacionar. Xa dende aquí podemos seguir os abundantes indicadores da ruta que sobe ao "Miradoiro", que non é outro que o curuto do Outeiro da Pena Gache ou Penagache, como simplificou a toponimia españolista. A subida é constante e regular dende o comezo. Descorre por unha pista limpa e consonte ascende vainos dando fermosas vistas dunha ampla contorna que pode chegar, seica, en días claros ata ver os tesos do Courel. No cume do Pena Gache hai unhas penas graníticas (coroadas pola inevitable e apropiadora cruz) onde tamén atoparemos o tópico "mellor banco" que, neste caso, parece merecer tal título. As vistas dende aquí son magníficas.
Voltando á pista de subida proseguimos en dirección ao Alto da Portela de Pau ata chegar ao marco 21 de fronteira, momento no que xiramos cara a esquerda a través do planalto. Aquí aínda podemos atopar un dos tantos túmulos funerarios, as mámoas ou motas, É doado atopar tamén gando solto coma as fermosas vacas cachenas.
Nesta ocasión, no tempo de comezar a baixada derramouse o tempo meteorolóxico, subindo a néboa e botándose a chover, polo que acurtamos o percorrido, quedando se poder contemplar as vistas dende o Coto do Castelo e demais. Outra vez será...
Parte desta variación vai por camiños non tan limpos pero transitables. Paulatinamente entramos en zona de touzas e camiño moi ben rozado ata chegar ao punto de comezo/fin.
Non é unha ruta difícil para quen estea afeit@ a camiñar por montaña. Ten un considerable desnivel pero sóbese de xeito progresivo. Bos camiños en xeral.
A parte alta é descuberta polo que hai que considerar a climatoloxía para transitala.
Waypoints
Car park
2,346 ft
Praza. Xacebáns.
Di unha estrofa da Muiñeira de Xacebáns: Bangueses, campiños verdes; Mourisca pinta colores; Xacebáns, paniños finos, onde teño os meus amores.
Religious site
2,129 ft
Igrexa
A carón da igrexa, debaixo dun corredor, unha cruz de estación dun Via Crucis.
You can add a comment or review this trail
Comments