Zalama, Peñalta, Balgerri/Ordunte, Maza del Pando, Burgueño, Kolitza. Agüera - Pandozales zeharkaldia

Zalama, Peñalta, Ordunte/Balgerri, Maza del Pando, Burgueño, Kolitza. Agüera - Pandozales zeharkaldia.
Ibilbide honek Euskal Herriko 100 mendi zerrendetan dauden 6 lotzen ditu: Zalama, Peñalta, Ordunte edo Balgerri, Maza de Pando, Burgueño eta Kolitza. Agüera eta Pandozales artean gainez-gain egiten da eta tartean dauden beste zenbait gailur pasako dira.
Kontutan hartu ibilbide luzea dela, itzalik gabekoa, edateko urik gabe eta haizetsua.
Autoa Pandozalesen utzi ondoren, taxi batek eraman ninduen Agüerara (Pepe: 608879595; 60€).
Agüera herritik gora abiatu eta ur deposituaren aldamenetik pasa ondoren, pista zabalean goaz; hau jarraituz lenengoaren gertu utziko gaitu. Pista utzi eta berehala Burgos, Kantabria eta Bizkaian arteko mugarria eta ondoren, Zalama (1.338m; 1h35min). Muga lerroa jarraituz, hurrengo gaina, La Mana (1.202m; 2h 10min). Hurrengoa, El Mirón (1.100m; 2h 25min). Hau jaitsi ondoren, ezkerrera desbideratuko gara, hirugarrena egiteko; bidean, Arganeda (1.110m; 2h 55min)
Pistan jarraituz ia azkeneraino, Peñalta (1.145m; 3h 12min).
Lerro nagusira itzultzean, gainez- gain, Salduero, erpin geodesikoa (1.122m; 3h 33min). Hurrengoa, Peñarada (1.125m; 3h 42min). Lerro nagusian gaude. Hurrengoa El Risco, 1.038m. Urrutira ikusten da hurrengoa. Gainez-gain joateko mendi sasituak daudenez, pistaz aurreratuko gera. Aurrerago berreskuratuko dugu muga lerroa: Brena mendatea. Aldapa igo eta, Ordunte edo Balgerri (1.105m; 4h 56min). Hurrengoa, Ilso de Estacas, (1.040m; 5h 30min).
Muga lerroan jarraituz, Maza de Pando (1.011m; 5h 54min). Jaitsiera muga lerroan egitea ezinezkoa denez, Hego ekialdera jaitsiera egin eta pistara atera. Pistaz jarraitzea gomendatzen dut, eremu garbiagora heldu arte. Hurrengoa, Burgueño, (1.043m; 7h). Iparraldera egin eta jaitsierako bidea garbi ikusiko dugu. Aurrean daukaguna nahiko zikiña igotzeko, Terreros, (914m; 8h). Lepora jaitsi ondoren eta GRa jarraituz, Kolitza (883m; 8:30min).
Jaitsiera geratzen zaigu. Bidea ongi zanpatua eta GRa. Bidean, Kolitzako iturri ederra. Pandozalesera iritsi.