Zegama-AIZTONTOR ALTUNA (1454m)-Aizkorri-Arbelar-Mearreko Pasabidea-Itzubi-Zegama

(2018-12-31)
Urteko azken egunerako egun pasako mendi txangoa Aizkorri aldean.
4 orduko igoera lasaia, eta 3 orduko jeitsiera bazkaldu eta atsedena hartu ondoren.

Zegamako herrian bertan abiatzen gara goizeko 9:30-etan. Gorospealde auzotik gora egiten dugu lehen ordua, Itzulondon trenbidea gainditu eta pinudian gora eginez. Hurrengoa gorako bidean Nardaundi aldera, hemen Aizkorriko mendizerraren oinetik pasatzen gara Sancti Spiritu aldetik igotzen den bideskarekin bat egin arte, ordubeteko zehar bidea. (700 metroko desnibela gaindituta)

Behin Sancti Spiritutiko senda hartuta gorako aldapa gogorrean egiten dugu ordubetez, bide zoragarrian Aizkorriko lepora iritsi arte. (Beste 400 metroko desnibela gaindituta)
Ondoren gaineko tontor batzuk, Tontorraundi, Aiztontor Altuna eta Aizkorri, honekin igoerako laugarren ordua betetzen dugu eta jada ordua da zerbait jan eta atsedena hartzeko. (13:30 dira)

Bazkaldu ondoren itzulera bidea, lehenik Arbelar aldera eta ondoren Mearreko Pasabidera igotzen gara, 1 ordu, hemendik beherako bideska jarraituz Itzubiko atsedengunera eta ondoren Parkea utzi eta pinudian zehar Zegamako geralekura (apeaderora) eta jarraian hasierako puntura.


Track hau ez da GPS gailu batez grabatua izan, baizik eta maparen gainean marraztu da, hortaz bere zehaztasuna gutxi-gorabeherakoa da. Erabiltzea nahi duenak bere arrisku eta erantzukizunez egiten du.