Zobra, minas e carballeiras (Lalín)
near Zobra, Galicia (España)
Viewed 4955 times, downloaded 119 times
Trail photos
Itinerary description
Formando parte da Dorsal Galega, os Montes do Testeiro agochan importantes fragas nas que sobrancean os carballos. Así é nos vales onde o río Zobra entrega as súas augas ao Deza. Por aquí, por estes bosques do Coto de Zobra discorrerá o noso roteiro, pasando dun val ao outro pola forca de Campo Valiño, xa en cotas altas.
Podemos comezar na aldea de Moa e, logo de atravesala, baixamos por un vieiro que nos levará entre carballos ata as beiras do río Zobra, que tendremos que vadear por riba dunhas pedras que fan de poldras ou pasos (en tempos de crecida do río poden estar cubertas pola auga). Subimos, xa na outra marxe, mergullados entre carballos e gañando altura teremos fermosas vistas sobre Porto Marín, aos pés do monte Coco.
Acadamos o lugar de A Trigueira e aquí atoparémonos con antigas construcións para a explotación dos xacementos de estaño e na baixada cara o Deza veremos algunas bocaminas. Chegamos ao río na marabillosa área de lecer da Chapacuña de Ramiro, que merece uns prolongados folgos.
Con nova forza subimos ata a forca de Campo Valiño con boas panorámicas aos vales do Deza e Zobra, monte Coco e o núcleo da parroquia de Zobra, a onde nos encamiñamos. De Zobra ata Moa -onde comezamos- será un doado paseo sen desnivel e por vistosas corredoiras.
Podemos comezar na aldea de Moa e, logo de atravesala, baixamos por un vieiro que nos levará entre carballos ata as beiras do río Zobra, que tendremos que vadear por riba dunhas pedras que fan de poldras ou pasos (en tempos de crecida do río poden estar cubertas pola auga). Subimos, xa na outra marxe, mergullados entre carballos e gañando altura teremos fermosas vistas sobre Porto Marín, aos pés do monte Coco.
Acadamos o lugar de A Trigueira e aquí atoparémonos con antigas construcións para a explotación dos xacementos de estaño e na baixada cara o Deza veremos algunas bocaminas. Chegamos ao río na marabillosa área de lecer da Chapacuña de Ramiro, que merece uns prolongados folgos.
Con nova forza subimos ata a forca de Campo Valiño con boas panorámicas aos vales do Deza e Zobra, monte Coco e o núcleo da parroquia de Zobra, a onde nos encamiñamos. De Zobra ata Moa -onde comezamos- será un doado paseo sen desnivel e por vistosas corredoiras.
Waypoints
Wilderness hut
1,815 ft
A Trigueira
Lugar da parroquia de Zobra onde había unhas explotacións de estaño.
Picnic
1,627 ft
Chapacuña de Ramiro
Área de lecer con zona de baño no río Deza. No lugar de A Trigueira.
Waypoint
2,234 ft
Comezo Zobra
Punto de inicio da nosa andaina, no lugar de Moa, parroquia de Zobra.
River
1,668 ft
Rio Deza
Afluente do Ulla. Nace nos Montes do Testeiro, na parroquia de Zobra, Lalín.
River
1,771 ft
Rio Zobra
Pequeño afluente do río Deza. Nace nos montes do Testeiro, na parroquia de Zobra.
Comments (2)
You can add a comment or review this trail
feita o 04/03/2015 con un día espectacular e moita auga por todos os lados. Para atravesar o río tivemos que botar un tronco e logo pasar por enriba del. Menos mal que hai quen publique estas rutas porque a oficial do concello de Lalín carece de sinais ou están tiradas polo chan. Eso si, téñenas publicadas na páxina do concello
Saúdos, "Losobrino".
Este roteiro non é o oficial e só coincide con él nun treito.
O paso do río eu fíxeno sobre unhas pedras que fan as veces de poldras, mais pode ser que se o río viña con moita auga estuvesen cubertas ou tamén podese ocorrer que como o GPS non é moi preciso debaixo da arboreda non vadeasees o río polo mesmo punto que eu.
Para ter maior seguridade con este único punto dudoso, aconsello facer o percorrido con tempo máis ben seco.
Boas rutas, amigo.