Zumaia - Deba (lineal). Ruta dos flysch.

Estacionamos nun aparcadoiro público e gratuíto que non está céntrico (onda o porto deportivo) pero é o único lugar que vimos libre. O resto é para residentes. A través de pontes e vías urbanas, chegaremos ao miradoiro de Zumaia que mostra unhas vistas espectaculares da peculiar formación rochosa desta costa: os "flychs". Perto está a ermida de San Telmo, dende onde se poden gozar novas e moi chamativas panorámicas. Aquí comeza, propiamente a ruta sinalizada. Serviu de guía este track: https://gl.wikiloc.com/rutas-sendeirismo/zumaia-deba-flysch-14457032?utm_medium=app&utm_campaign=share&utm_source=1599295
Continuando, chégase até o nivel do mar para logo comezar unha importante subida, á vez que nos alonxamos da costa. Isto permítenos desfrutar dunhas paisaxes diversas e moi fermosas. Nesta parte coincide a ruta co Camiño de Santiago. Polo quilómetro 6 deste track, hai unha área de lecer con auga e mesmo servizos.
Contra o quilómetro 9,2 existe a posibilidade de facer unha alternativa pola zona intermareal pero para isto hai que COÑECER MOI BEN o estado das mareas no momento de pretender pasar. Así evitaríase unha importante subida e mor distancia, á vez que se podería ver o flysch dende abaixo. Anotar, tamén, que no trazado polo interior hai zonas moi enlamadas neste día (chuviscoso) que son moi esvaradías. O barro pégase ao calzado polo que cómpren boas botas e caxatos de camiñar.
Nova subida e descenso ata unha antiga vía de tren, mesmo atravesando un pequeno túnel. Pásase, máis adiante polo miradoiro de Itxaspe e máis tarde por onda unha depuradora de augas residuais.
Comeza a última, dura e longa subida ata a ermida de Santa Catalina, cruzando a estrada N-634 por un paso elevado digno de aplauso. Dende a cima temos novas e lonxincuas panorámicas todo en volta. Xa só quedan uns dous quilómetros longos para chegar a Deba. Tras unha íngreme baixada por unhas rúas pinas e logo por escaleiras chegamos ao centro da vila onde poderemos tomar algo e dirixirnos a estación do ferrocarril para volver, por un prezo moi asequible, a Zumaia.
Todo o percorrido está indicado e pisado porén non ven mal seguilo coa axuda dun GPS por se nos distraemos nalgún punto. Case que todo el descorre por camiños e sendeiros; moi pouco asfalto.
É un percorrido espectacular, unha ruta digna de recomendar aínda que é bastante dura polos desniveis sucesivos que compre subir e baixar. Non é, polo tanto, unha camiñada válida para persoas sen habelencia para camiñar por monte nin que non teñan unha apropiada forma física.
Datos que autocompleta o programa:
- Ermita de San Telmo (2.1 km)
- Mirador Algorri (2.7 km)
- Fuente giro (4.2 km)
- Fuente en collado Galarreta (6.2 km)
- Ermita de San Sebastián (6.8 km)
- Mirador Portutxiki (9.4 km)
- Mirador Itxaspe (12.4 km)
- Ermita de Santa Catalina (14.0 km)
- Ermita de San Roque (15.3 km)
- Iglesia de Santa María la Real (15.9 km)