Aizkorpe bailara: Mehatzetako bira Seguratik

Ibilbide zirkularra: Segura-Gorosmendi-Zerain-Aizpeako mehatz eremua-Larrosain lepoa-Hazpuru lepoa-Barrenola mehatz eremua-Mutiloa-Segura.

Ibilbide erakargarria Aizkorpe baliaratik. Luzera motzekoa da eta metatutako desnibelak ez dira oso handiak. Aurreneko begirakadan iruditu ez arren nahiko pasabide estuak dauzka, gorakoan eta beherakoan. Tarteka gogorra eta teknikoa izan daiteke, bakoitzak duen trebetasunaren arabera.


Bi zati dira, nere ustez, aipatu beharrekoak. Bata Aizpeako Interpretazio Zentrotik
(mehatz labeak) Larrosain mendi leporainoko igoera da. Ia atsedenik ez dago 6 km inguruko luzera duen aldapa hontan. Bidea zabala da, harri txikiak eta hartxintxarra dira nagusi zoruan, zailtasun teknikorik gabe. Hori bai, tarte batzuk nahiko gogorrak izan daitezke; ankak sutan jartzen dituen horietako igoera da. Malkar honek ohitura pixka bat eta indarra eskatzen du osorik gainditzeko.

Eta bigarren zatia jetsierakoa da, Hazpuru lepotik eta Barrenola baserriaren bitartekoa hain zuzen ere. 2´5 kilometro luzera du eta enduroko jetsierak egiten dutenentzako aproposa (KONTU ANDIZ bestelako txirrindulariak). Senda polit honek meharra da oso, goiko partean batez ere, mehatz barrutia goitik behera zeharkatzen du. Aldapa behera bihurritu egiten da zenbait puntuetan kurba oso itxiak eginez edo ta lur irristakorraren gainean pasatuz, harri koxkor batzuk ere aurki daitezke zoruan....Zatitxo tekniko horiek metatzen duten luzera ez da kilometro batera iristen. Gainontzeko tramo guztiek trebetasun gutxiago eskatzen dute, erosoagoak dira, oso gozagarriak, Barrenola baserritik Lenkaranberri baserrira doan senda barne. Azkenean 4 km inguruko jetsiera osatzen da Hazpuru lepotik Lankaranberri baserriraino.

Gainontzeko kilometroak nahiko eramangarriak dira, errepide lokalak edo auzo arteko pista eta bideak dira.

Ibilbidearen kilometro gehienak basabideetatik doazte, udarako oso egokiak, ala ere zenbait puntuetatik panoramika eder eta zabalak ikusten dira, Goierri eta Aralar Aldera, Aizkorri mendilerroaren aldera, Urola garaia, Udalaitz...

Bi mehatz barrutietatik pasatzen da, biak Ondare Industrial Historikoa izendatutakoak. Ibilbidean zehar Segura, Zerain, Mutiloa herriak eta Aizkorpe baliarakoak diren beste auzoak ezagutzeko aukera ere badago. Gorputza ederki aztindu eta turismoa egin 2 ordu terdiko buelta koxkor bat eginez.

PD: Zailtasun maila "ZAILA" jarri diot ibilbideari Hazpuruko jetsieragaitik batez ere.