Alen mendi Getxotik

Erromotik irten, Bizkaia zubia zeharkatu eta Portugaleten, bidegorria hartu, Galdameseko bide berdearekin lotzeko. Bide berdea jarraitu (tunelak daude, baina ia ia guztiak argiztatuta) Atxuriaga industrialdearaino (gaztelaniaz "La Aceña"). Bertan txirrindulazko tradizioz beteta jatetxe/taberna bat dago. Pintxo bat hartzeko derrigorrezko geldialdia.
Bide berdea jarraitu jatetxetik maldan behera eta errepide nagusiaren behetik doan tunelatik eta, auzuneak zeharkatuz, Sopuertako Castaños auzoaraino heldu nintzen. Bertan bide berdea utzi eta eskuinerantz igotzen duen pista batetik joan. Igoera amaitzen denean, bi aukera dekogu, eskuinerantz, Muskizera edo ezkerrerantz, Alen auzunera.
Pista jarraituz, Castro-Urdiales-Alén mehatzari trenbide ohiatik, argi gabeko bi tunel zeharkatuko dugu (argia eraman!) eta, pixka bat aurrera egin ondoren, Alen auzunera helduko zara.
Bertan, aldapan gorantz egiten dut, eliza ondotik doan bidetik. Aldapan gogor baten ostean, jeitsi nuen track-a jarraituz, ezkerrerantz jotzen dut, hegoaldeko magalatik. Zoritxarrez, bidea gero eta estuagoa egiten doa eta, bi txirrindulariekin topo egin ondoren, konturatzen naiz ezinezkoa da handik tontorreraino igotzea txirrindulaz. Horregatik buelta eman eta, tontorreko bidea nondik den galdetu ondoren, pista zuzena aurkitzen dut. Tontorreraino heldu ondoren (804 m), Artatxo mendia (778 m) egin nuen be.
Bueltatzeko, pistatik lehen aipatu dudan bidegurutzera arte jeitsi eta Muskizerako bidea hartu. Hango pistatik igaro (eta beste tunel abandonatu baten albotik pasa) Las Muñecas Mendatera heldu arte (Bizkaia eta Cantabria arteko muga markatzen du mendateak). Mendatean, gorantz egiten duen porlanezko pista bat hartu Mello mendiaren tontorreraino (629 m). Handik Muskizeraino, pistatik (porlanezko ibi bat zeharkatuz justu jeitsieraren azken tartean) jeitsi, bidegorri nagusia hartu eta Erromora bueltatu.
Ibilbide polita eta luzetxoa. Teknikoki zailtasunarik ez dago.