Altzoko auzo eta muinoetatik bueltaka

Ibilbide zirkularra:Alegia-Altzoazpi-Altzomuño-Olakalte-Goikoetxe-Arrimaga lepoa (gasgune)-Altzomuño-Ollagon bira-Oiarbide baserria-Arrimaga-Ugarbe erreka-Etxeluze baserria-Altzomuño-Ipintza zaharra baserria-Altzoazpi-Alegia.

Mendi txirrinduan ibiltzen geranok prestakuntza fisikoa mantentzeko etxetik gehiegi urrundu gabe ibiltzen gera normalean, astegunetan batez ere. Luzera eta denbora motzeko saioak izaten dira gehienetan. Ohikoak eta ezagunak diren bideak erabiltzen ditugu behin eta berriz. Atseginagoak izateko norabide, luzera edo desnibela ezberdinen bila aritzen gera askotan. Ibilbide honen proposamenak horietako beste aukera bat eskeintzen du Tolosaldeko parajeetan; mendi bide sare zabala duen Altzo ko herriaren lur barrutian hain zuzen ere.

Ez ohiko bilbide entretenigarria Altzoko herrigune, auzo, baserri, muino eta basoen arteko pista eta mendi bideetatik igaroz. Tolosaldeko herri hau ezagutzeko aukera polita eta erraza. Txango korapillatsua akaso, bukle moduko bira batzuk eginez 3 aldiz pasatzen da Altzomuñotik. Bidegurutze asko bainan GPSarekin jarraipena erraza ala ere.

Mota guztietako bideak pasatzen dira perfil zerratua erakusten duen ibilbide gorabeheratsu hontan: asfaltokoak, porlanezkoak, hartxintxarrezkoak, lurrezkoak, belarrezkoak...pinudi, pagadi. Panoramika ederreko guneak eta errekazuloak zeharkatuz ere bai. Metatutako desnibel gutxikoa izan arren gorako malda motz eta nahiko gogorrak gainditu behar dira. Pasabide erakargarrietatik ere jeisten da, gutxi erabiliak, Arrimaga lepotik Altzomuñora doan sendaren kasuan edo Aldaio baserriaren paretik Ugarbe errekara joateko zeharkaldian besteak beste.

Naiz eta orokorrean zailtasun maila erraza izan puntu batzuetan gutxieneko teknika beharrezkoa ikusten dut.

PD: KONTUZ Arrimagatik Altzomuñora jeisterakoan oso gutxi nabermentzen diren alanbre hesia (arantzarik gabekoa) eta rafiazko soka bat gurutzaturik aurkitu nituen bidea ostopatzen.