Circular Serra da Groba

Ola a todos.

Percorrendo esta ruta que subo, visitaredes una escolla dos mellores lugares dos moitos que ofrece esta preciosa Comarca.

Curro de Mougás, Pozo do Arco, Burgueira, Pozas do rio Cal, Muíños Picón e Folón, Capela de San Martiño, Miradoiro de San Vicente, Monte Torroso, Mosteiro de Oia….

A ruta arranca da estrada PO-552 entre Baiona e A Garda a altura do cámping O Muiño. Nada mais arrancar, deixámola estrada monte arriba por pista ancha, este primeiro tramo é o mais duro da ruta, pasando do nivel do mar os 400 m de altitude en menos de 4 Km (algunha rampiña do 20% toparedes). O Curro de Mougás marcará o fin da subida dura, pasando despois a rodar en altura con algún repeito menor, ata cruzar a estrada EP-2202 que vai por toda a Serra da Groba, dende Baiona a Loureza.

Pouco despois de cruzala EP-2202 iniciámolo descenso cara o lugar de Bonaval (parroquia de Burgueira) onde nos atopamos cunha paraxe singular coñecida como Pozo do Arco. Un area de lecer con muíños, pozas, e unha ponte de madeira que nos permite cruzar o rio Tamuxe no seu primeiro tramo do curso.

Deixámolo Pozo do Arco e dirixímonos cara o pobo Burgueira, pasando a carón da súa Igrexa de San Pedro, colleremos unha estrada durante 1 km que deixaremos para entrar nunha pista a esquerda que iniciará a segunda subida da ruta cara o pobo de Mabia. Esta subida é bastante menos exixente que a primeira do Curro de Mougás, en 3 km salvamos un desnivel duns 170 metros.

Deixámolo pobo de Mabia a esquerda e iniciamos un tramo de rodar por unha chaira sempre mantendo unha cota entre 350 é 400 metros dirixíndonos cara o sur e podendo desfrutar xa dunhas vistas do Val do Rosal, desembocadura do Miño, Tecla e A Garda espectaculares.

Iniciamos un descenso por unha pista con bastante pedra solta ata chegar As Pozas do Picón ou do rio Cal, non moi coñecidas pero cunha pinta estupenda para o verán. Nada mais pasalas chegamos o conxunto de Muiños quizás dos mais pintorescos de Galicia. Os Muiños do Folón e Picón, punto para deterse e admirar dende a súa parte alta esta singular paraxe.

Deixámolos Muiños atrás e en menos de 1,5 Km, facemos unha paradiña obrigada na Capela de San Martiño ata onde en procesión se sube tódolos Novembros dende o pe do monte.

Logo da visita ó San Martiño, rodamos durante 2,5 km por unha chaira con algún repeito pequeno ata enlazar cunha pista que nos levará nunha rápida baixada ata o Alto da Portela. Este alto está xusto na estrada que une San Xian co Rosal, aquí sa pasamos a ter a impresionante vista do Océano durante o resto da ruta.

Achegámonos un intre o monte Torroso, pasando polo mirador de San Vicente (antigo campo de tiro), no Torroso podedes visitar as figuras zoomorfas que fixeron aproveitando os penedos existentes.

De volta o alto da Portela facemos unha rápida baixada ata o pobo de San Xian co mar sempre a nosa esquerda, cruzamos este pequeno pobo e por unhas corredoiras de terra, caemos na estrada de A Garda a Baiona, de alí ata o noso seguinte punto de parada temos uns 3 km.

O Mosteiro de Oia, parada obrigada e un derradeiro descansiño antes de rematar a ruta pudendo tomar algo nalgún dos baretos a carón do Mosteiro.

Dende o Mosteiro ata o punto final dende onde arrancamos a ruta rodamos 7,5 Km polo Camiño de Santiago da Costa, cun derradeiro tramo de asfalto pola PO-552.

Déixovos enlaces para os que teñades interese en coñecer mellor todos estes lugares polos que transitou a ruta. Para os que vos animedes a facela, en función da vosa forma física contade con 5-6 horas parando e desfrutando tódolos puntos de interese.
Facendoa do tirón con menos de 4 horas listo, a min levoumas parando a facer fotos e con calma.